Torsdag kveld er det klart for toppoppgjer på Uggedal stadion når Stranda kjem på besøk. Laget ligg på 3. plass, 2 poeng bak Norborg/Brattvåg2. Med heimesiger så vil Norborg ha ei lita luke ned til forfølgjarane, men Norborg møter utfordringar før kampen.
Etter den slappe kampen mot Skodje har Norborg slått tilbake med sigrar over Langevåg og Hovdebygda. Spesielt effektiviteten framfor mål har vore imponerande i desse kampane med 6 mål på 10 sjansar.
I sist kamp mangla Norborg så mange mann at trenarane sjølve måtte inn på bana. Også i denne kampen er det utfordringar. Denne gong er det ikkje muntleg eksamen, men vitnemålsutdeling på Haram Vidaregåande skule som har gitt trenar Søviknes ekstra grubling. Sidan Seth, Abelseth, Jensen og Vos kan få problem med å rekke kampstart, så blir dette løyst med å ta med eit par Brattvåg-spelarar for å vere sikra å ha 11 mann til start, samt eit par innbytarar når klokka er 1915. Frå sist kamp er også Tarjei Urkedal og Vidar Nilsen Rogne tilbake i troppen, medan Elling Mikal Kalvø er ute med sjukdom. André Larsen var ikkje med sist grunna ferie. Denne gong er han ikkje med grunna overtrakk på tysdagens trening.
Stranda vart spådd ein plass rundt midten, men med 10 poeng på dei siste 4 kampane er blåtrøyene med i opprykksstriden. Det er mot laga som ligg på nedre halvdel Stranda tek sine poeng. Her har dei plukka heile 16 av 18 poeng, medan det berre har blitt 1 av 9 mogelege poeng mot lag på øvre halvdel. Denne fangsten må betrast om Stranda skal henge med i opprykksstriden. Norborg har for øvreg tatt 6 av 12 mogelege poeng mot laga på øvre halvdel, og 13 av 15 poeng mot laga på nedre halvdel. Spelarane å sjå opp for er toppscorar Tobias Hjelle og Kristupas Prismantas. Hjelle er ein bakromsfarleg spiss som har presentert seg med mål i Uggedalen før, medan Prismantas er i form og har 4 mål på dei 2 siste kampane.
Norborg har slete litt mot Stranda i dei siste møtene og vi må tilbake til 2006 for å finne ein heimesiger. Denne gong har vi trua på tre poeng.
Siste seriemøter:
2016 Norborg – Stranda 3-3, 1-2
2010 Norborg – Stranda 1-1, 3-0
2008 Norborg – Stranda 2-2, 4-1
2007 Norborg – Stranda 1-4, 2-4
2006 Norborg – Stranda 3-2, 0-5
Dommar: Rolf Jarle Eldevik (Ellingsøy)
Assistentar: Øyvind Kringstad (Valder) og Dagfinn Berg Tjervåg (Hasundgot)
