Norborg tek torsdag kl.1830 imot Valder på Uggedal stadion. Tarjei Urkedal vart matchvinnar i tidenes første seriekamp mellom laga i 2001. Kan han gjere det igjen? Møt opp å sjå.

Med Kjetil Rekdal på sidelinja haldt Norborg Giske til 1-1 på Uggedal stadion måndag kveld. Giske starta kampen best, men kampen jamna seg ut då Giske sin keeper Robert Sundby vart vist det raude kortet i det 13. minutt. Preben Giske Olsen gav gjestane leiinga like før pause etter at vertane hadde hatt corner. Norborg utlikna på eit frispark av Lars Alvestad Mikalsen ti minutt ut i 2. omgang. Norborg var i denne perioden det førande laget, men det vart med det eine målet. I dei siste ti minutta fekk vi sjå kaosfotball der Giske nok var nærmast å ta alle poenga. Begge laga gjekk misnøgde av bana og då er vel poengdeling greit.
Les meir..

Norborg tek imot Giske på Uggedal stadion måndag 13. mai kl. 1830. Giske har fått ein strålande start på sesongen og leiar 5. divisjon. Norborg må dermed verkeleg opp i ringane for at det skal blir siger etter eit par uheldige kampar.

Vél møtt!

Blindheim var best innafor kvar 16 meter og vann 3-0 mot Norborg på Uggedal stadion torsdag kveld. Marius Strand Eikrem sendte gjestane i føringa allereie i det 4. speleminutt. Norborg hadde fleire sjansar til å utlikne, men i staden dobla Kristoffer Florvaag i det 30. minutt. 2. omgang vart rotete der gjestane skapte dei fleste klare sjansane fordi Norborg ofte sendte alle mann i angrep. I det uret passerte 90 minutt fastsette Bjørnar Johansen stillinga til 0-3 då han kom åleine med keeper og lobba elegant over keeper. Les meir..

Norborg tek imot Blindheim til årets første graskamp i Uggedalen ikveld kl. 1830. Vi håper du tek turen og viser din støtte.

16-åringen Ask Nikolai Støylen var skilnaden på Sykkylven og Norborg i ein fysisk tøff og sjansefattig batalje på Sykkylven stadion torsdag kveld. 18 minutt ut i kampen utnytta han at ein Norborg-forsvarar bomma på ballen og vipps var han fri i bakrom og sette ballen i nota. Sykkylven var best før pause og leia fortent. Etter kvila heva Norborg seg, men skapte lite framfor heimelaget sitt mål og måtte reise heim utan poeng. Les meir..

Ole Kristian Engeset Aarseth og Tobias Flem Hellem er speleklar for Norborg etter overgong frå henhaldsvis Øverbygd og Brattvåg. Aarseth, som fyller 27 i mai, er ikkje eit ukjent navn i Norborg sidan han har 107 kampar og 33 mål for moderklubben. Sidan grytastrandaren forlot Norborg for å utdanne seg i forsvaret har han spelt 25 seriekampar og scora 23 mål for Øverbygd i perioden august 2021 til september 2023. Hellem, som fyller 22 i juni, spelte 20 kampar for samarbeidslaget Norborg/Brattvåg2 i 4. divisjon i 2022 og viste seg då som ein god høgreback med tempo og fysikk. Vi ønsker begge velkomen tilbake i oransje drakt.

Norborg sin kamp mot Giske som skulle ha vore spelt torsdag 25. april er flytta til måndag 13. mai kl. 1830. Det var Giske som ville flytte kampen fordi dei hadde mange spelarar opptatt med skule.

Norborg gjorde reint bord og vann 3-1 over tidlegare samarbeidspartnar Brattvåg2 i kveldens 5. divisjonskamp framfor 300 tilskodarar i Uggedalen. Begge lag hadde treff i aluminiumet tidleg i kampen, men så sa Tarjei Urkedal takk for følget og sette inn to mål det siste kvarteret av 1. omgang. Etter kvila hadde Brattvåg2 mykje ball, men skapte lite mot eit godt organisert og hardtkjempande heimelag. I staden var det Kristoffer Søviknes som auka leiinga til 3-0 for dei oransje tjue minutt før slutt. Brattvåg2 sitt trøystemål vart sett inn av Anes Maksumic. Les meir..