Norborg/Brattvåg2 – Bergsøy 0-3 (0-2)
4. divisjon, Uggedal stadion, 12.08.2022
0-1 Daniel Arnfinnsson (41)
0-2 Daniel Kvalsvik (45)
0-3 Enrique Crespo Søvik (53)
Sjansar: 7-9
Cornere: 6-8
Bergsøy stakk av med alle poenga etter å ha fått kampen inn i sitt spor med to mål like før pause. Når gjestane i tillegg fekk eit tredje mål mot spelets gong tidleg i 2. omgang, vart det ein komfortabel siger mot eit heimelag som sløste med sjansane.
Det vart mykje kjemping og lite finspel på ei tung Uggedalsmatte fredag kveld. Bergsøy starta friskt og kom seg til eit par sjansar tidleg i kampen, men dabba etter kvart av og slo overraskande mykje langt og upresist. Norborg fekk lite til offensivt før pause bortsett frå ein corner i stolpen og ein god sjanse ved Per Kristian Helle Hildre der han fekk ball i bakrom, men ikkje greidde å overliste keeper frå litt skrått hald. Mot slutten av omgangen vakna Bergsøy og produserte tre sjansar der to enda i mål. Daniel Arnfinnsson gjorde 0-1 då han kom seg inn i straffefeltet og avslutta hardt nede ved høgre stolpe. Fire minutt seinare gjorde Daniel Kvalsvik 0-2 då han banka ballen i nota frå 5 meter etter passivt forsvarsspel av Norborg.
Norborg starta 2. omgang best og la trykk på gjestane frå Fosnavåg. Dryge fem minutt ut i omgangen kom Erlend Blø seg til ein god sjanse, men keeper redda. I staden er det Bergsøy som auka til 0-3 då Enrique Crespo Søvik fekk ein stikker i bakrom og scora åleine med keeper. Norborg har trykket resten av omgangen og skapar fleire store sjansar. Bergsøy var ikkje ufarlege på kontringar, men dette var ein omgang Norborg var best i og burde ha fått ballen i mål ved fleire høve. Ikkje minst på straffespark fire minutt på overtid.
Norborg tek torsdag turen til botnlaget Emblem.
Laget: Ronald Søvik Olsen – Stian Klokk (Henrik Hurlen, 66), Anders Toven, Tor Abelseth (Magnus Otterlei, 54), Tobias Flem Hellem – Tobias Jensen, Thomas Aarsund, Jesper Vos (Ulrik Havnsund, 72) – Erlend Blø, Per Kristian Helle Hildre (Kristoffer Søviknes, 84), Martin Koch.
*** Thomas Aarsund
** Jesper Vos
* Tobias Flem Hellem
