Norborg – Rollon 4-0 (2-0)
Uggedal stadion, 10.05.12
Sjansar: 8-4
Cornere: 6-8
1-0 Tarjei Gjerset Urkedal (6)
2-0 Alexander Eide (11)
3-0 Ole Johan Urke (53) NB! Norborg sitt seriemål nr. 1800!
4-0 Asgeir Kalvø (77)
Norborg tok kommandoen fra start av og fekk maks uttelling då ein scora på sine to første sjansar. Fortent leiing til pause i ein omgang med få sjansar. Norborg fortsette med sin aggressive spelestil i 2. omgang og gjer 3-0 på eit herlig langskot av Ole Johan Urke. Rollon skapar eit par sjansar etter dødball, men utan resultat. For dette var Norborg sin kamp! Knappe kvarteret før slutt sette Asgeir Kalvø inn den siste spikaren i Rollon-kista med ein utsøkt lobb. Ein glimrande utført kamp av oransjetrøyene.
– Dette er ein bonuskamp, ingen forventar at vi skal slå Rollon i dag. Men dette er vår heimebane og vi skal ut å styre kampen, sa trenar Roger Grytten i garderoba før kampen. Gutane fulgte dette til fulle og gjekk ut i 100. Fem minutt ut i kampen får Norborg frispark på venstresida. Ole Johan Urke la ballen inn i 16 meteren der Tarjei Gjerset Urkedal slenger ut foten å styrer ballen i nota bak keeper Jonas Mathiesen. Norborg har fått starten ein ønska.
Norborg fortsette å vinne duellane og flokkar seg rundt ballførar. I det 11. minutt er det panikk i Rollon sitt forsvar og ein spelar sette ballen i eigen tverrliggjar før den landar hos Alexander Eide som enkelt puttar ballen over streken frå kloss hald. 2-0, Norborg har fått ein perfekt start på kampen. Trass motvind fortsette Norborg å ha initiativet, men bortsett frå nokre hjørnespark og eit par svake skot frå 16 meteren vart det ikkje skapt det heilt store.
Mot slutten av omgangen kom Rollon seg lenger opp på bana, men Norborg rei stormen av og leia fortent 2-0 til pause.
Neste mål for Norborg ville bli nummer 1800. Ole Johan Urke er kjent for vakre mål og på hogget for å skrive seg inn i historiebøkene. Først sette han på turboen å skar inn i 16 meteren, men avslutninga gjekk utanfor. Nokre minutt etter skulle han få drømmetreff frå om lag 30 meter. Ballen fauk tverrliggjar inn borte ved krysset til 3-0. eit herleg mål av Ole Johan, Norborgs lengste mann.
Rollon er eit lag som aldri gir opp, og var farleg frampå eit par gongar etter dødball. Nærmast var Eivind Nordstrand som stussa i tverrliggjar og ut. Norborg hadde likevel meir på lager. Etter eit par sjansar etter kontring der Hans Edvard Nordang avslutta over og Tarjei Urkedal la ballen i tverrliggjar så fekk vi 4-0 på eit vakkert angrep. Ballen gjekk raskt mellom spelarane før Hans Edvard spelte igjennom Asgeir Kalvø som sette inn 4-0 på ein utsøkt lobb frå 17 meter. Rollon forsøkte å få eit trøstemål på slutten, men Norborg haldt buret reint og kunne juble for 4-0 siger i ein perfekt utført kamp.
Samtlege gjorde i dag ein god kamp, men skal vi velge ut tre mann så må det bli forsvarssjef Elling Mikal Kalvø, arbeidsjernet Tarjei Urkedal på høgrekant og Kristoffer Søviknes, som er eit konstant uromoment på topp. Vi skal heller ikkje gløyme keeper Joakim Kjærstad som vart kalla inn på laget få timar før kampstart etter å hatt ein langvarig skade.
Neste kamp for Norborg er borte mot Skodje fredag 18. mai. Vi håper mange tek turen til Skodje for å følge dette lokalderbiet.
Laget: Joakim Kjærstad – Ole Marius Otterlei, Kjell Terje Brusdal, Elling Mikal Kalvø, Asgeir Kalvø – Ole Johan Urke (Kristian Søviknes, 77), Christian Sæther, André Larsen, Tarjei Urkedal – Alexander Eide (Hans Edvard Nordang, 68), Kristoffer Søviknes (Torgeir Garshol, 84).
Dommar: Richard Olsen (Åmdal)
Assistentar: Mikal Skodjereite (Skodje) og Palmar Blindheim (Blindheim)
Kamphendingar:
6 min: 1-0. Tarjei styrer inn Urke-frispark på hockeyvis.
11 min: 2-0. Alecs putter ballen i mål frå kloss hald etter at Rollon spelar sette ballen i eigen tverrliggjar.
25 min: Urke skot frå 20, men ballen trillar inn til keeper.
37 min: Rollon ropar på straffe då Kjell var litt hard i kroppen på Gjerde.
50 min: Urke i flott driv inn i 16 meteren, men avsluttar over.
53 min: 3-0. Urke med drømmetreff frå 30 meter. Tverrliggjar inn.
66 min: Rollon med farleg corner. Joakim får til slutt tak i ballen.
69 min: Nordstrand stussar ball i tverrliggjar og ut.
71 min: Hans Edvard med kule i frå 23 meter, men ein eller to meter utanfor krysset.
75 min: Tarjei med ein Mostrøm, men der den gjekk i mål for Moldespelaren, gjekk den i tverrliggjar for norborgaren.
77 min: 4-0. Asgeir med ein utsøkt lobb.
84 min: Gjerde avsluttar utanfor frå god posisjon.
88 min: Heading over for Rollon etter corner.
90 min: Asgeir vinn ballen høgt oppe i bana. Går inn i 16 meteren og passar ut 45 der tre norborgarar står i kø. Hans Edvard skyt rett på keeper.
Målscorarane Tarjei, Asgeir, Ole Johan og Alexander.
