Norborg – Åram/Van.kam. 3-1 (2-1)
Uggedal grus, 17.04.08
13 sjansar 4
10 cornere 1
0-1 Erlend Larsen (20)
1-1 Kristian Søviknes (25)
2-1 Geir Ove Grønli (31)
3-1 Geir Ove Grønli (75)
Tilskodarar: 92
Dommar: Jim André Dyb (Giske) – flott dømt av unge Dyb
Ass. dommarar: Torgeir Halsen (Åheim) og John Olav Skodjereite (Skodje)
Laget: Kenneth Vegsund – Stein Erik Alvestad (Elling Mikal Kalvø, 88), Roger Grytten, Kjell Terje Brusdal (Morten Kalvø, 69), Kristian Furnes (Jan Even Drønnesund, 88) – Kristian Søviknes (Ole Johan Urke, 82), Adrian Håbet, Steffen Grytten (Bee, 90), Kristoffer Søviknes (Skjalg Volstad, 68) – Tarjei Urkedal, Geir Ove Grønli (André Larsen, 84)
Velfortent siger til Norborg i serieopninga mot ÅVK på grusen i Uggedalen. Heimelaget hadde stort sett god kontroll defensivt og skapte godt med sjansar i begge omgangar. Effektiviteten kan likevel betrast.
Stor spenning knytte seg til serieopninga mot ÅVK. Ikkje minst sidan det vart gruskamp mot dei tidlegare grusekspertane frå Åram, og at utespelar Kenneth Vegsund måtte ta på seg keeperhandskane sidan Geir Roar Gamlem var ute med suspensjon. Bekymringane skulle vise seg å vere ubegrunna.
Mål mot spelts gong
Kampen starta jamnt, men etterkvart fekk Norborg eit lite grep om kampen. Ti minutt ut i kampen kom første sjansen då Kristian Søviknes klinka ballen over frå 8 meter etter corner. Oransjetrøyene fortsette å skape nokre halvsjansar. Det var dermed ikkje heilt fortent at ÅVK tok leiinga på eit lurt skot av Erlend Larsen. Ballen såg ut til å trille inn til keeper Vegsund då vinden tok tak og lirka ballen inn ved stolpen.
Snur kampen
Norborg kom seg raskt til hektene og fem minutt etter var det likt i målprotokollen då Kristian Søviknes sette ein corner rett i kassa. Nokre minutt seinare er Søviknes i servitørrolla då han la flott inn til Geir Ove Grønli som heada ballen i nota. 2-1, og fortent Norborg-leiing. Norborg skapte 2-3 store sjansar til før pausen, men nærmare enn ei heading i solpen av Grønli kom ein ikkje.
Grønli – luftens baron
Gjestane gjekk hardt ut etter kvila, og var nær utlikning då Steinar Lade fekk lada godfoten og klinka til, men skotet gjekk like over Vegsund sitt kryss. Norborg vakna etter dette skremmeskotet og styrte det meste i ein lite velspelt kamp. Ein måtte likevel vente ei stund på 3-1 målet. Kristian Søviknes var nær då han sette eit frispark i tverrliggjar og også Tarjei Urkedal hadde ein stor sjanse skapt på eiga hand. Eit kvarter før slutt fekk så norborgarane roa nervane noko då Grønli heada inn 3-1 etter innlegg av Tarjei Urkedal.
Begge lag hadde sine sjansar i sluttkvarteret, men fleire mål vart det ikkje. ÅVK sin Ole André Kragset var nærmast med ei avslutning i tverrliggjar. Dermed enda kampen med fortent 3-1 siger til Norborg.
Trygt defensivt
Norborg var defensivt gode og slapp ÅVK sin frykta spiss Ole Per Kragset lite til. Berre ved eit par høve fekk Kragset avslutte, men då var keeper Vegsund med på notane og redda flott. Først ein lobb, så ei heading. Kamp på ei trang grusbane blir sjeldan velspelt. Ei heller i dag. Det vart mest kjemping og der var Norborg best i dag. Flott innsats av samtlege involverte, men skal vi trekke fram nokon må det vere midtstoppar Roger Grytten som spelar med kløkt, Tarjei Urkedal for å jage på både mogelege og umogelege ballar, samt Geir Ove Grønli som stod for to mål.
Norborg fekk den opninga ein håpte på før to bortekampar mot nykomarane Vartdal og Vigra.
Noterte sjansar:
10 min: Kristian Søviknes med enorm sjanse. Sette ballen høgt over frå 8 meter.
17 min: Annullert mål av Tarjei Urkedal
20 min: Erlend Larsen med eit noko billeg mål då han skyt/sleivar ballen i mål frå 20 meter
25 min: Kristian Søviknes legg ein corner rett i mål.
31 min: Geir Ove Grønli header inn 2-1 etter innlegg frå Kristian Søviknes
40 min: Adrian Håbet igjennom, men keeper får redda til corner
41 min: Kristoffer Søviknes sette ballen over frå 10 meter.
45+3 min: Grønli header i stolpen.
47 min: Steinar Lade med flott skot like over frå 18 meter.
56 min: Tarjei Urkedal vinn ballen på 16 meter, driblar seg frå men avsluttar utafor
58 min: Kristian Søviknes sette frispark i tverrliggjar
62 min: Ole Per Kragset med stor sjanse. Held Brusdal unna og forsøker seg på lobb. Vegsund redda.
75 min: Grønli headar eit innlegg frå Tarjei Urkedal i mål
78 min: Steffen Grytten med stor sjanse etter corner, men treff ikkje mål.
80 min: Ole A. Kragset headar i tverrliggjar. O.P.Kragset på retur, men Vegsund reddar.
84 min: Tarjei Urkedal igjennom, men keeper reddar.
90 min: Adrian Håbet får rom på 16 meter. Avsluttar like utafor.
90+2 min: Tarjei Urkedal igjennom, men keeper får blokkert.
