Norborg – IFK Hjo 1-2 (0-2)
Løgstør, 13.04.06
9 sjansar 3
4 cornere 2
0-1 nr. 10 (7)
0-2 nr. 10 (32)
1-2 Kim Idar Krogethagen (str. 48)
Laget: Kurt Erik Grytten (Bjørnar Engeset, 46) – Stein Erik Alvestad (Kjell Terje Brusdal), Jan Even Drønnesund, Kim Idar Krogsethagen, Stein Erik Reitan – Andre Larsen (Kristian Furnes), Kristian Søviknes, Eirik York, Asgeir Kalvø – Lennart Holmem, Tarjei Urkedal
Norborg styrte det meste av denne kampen, men fekk svært dårleg utteljing på sjansane. Svenskane derimot, scora på omtrent det dei hadde. Dermed vart det 1-2 tap.
Det var IFK Hjo frå Sverige som starta kampen best. Dei gjekk ut i høgt tempo og tok leiinga på sin første sjanse 7 minutt ut i kampen då den storvakse spissen vart spelt fri. Norborg ville ha offside, men målet vart godkjent.
Norborg tok over banespelet etter dette, og skapte fleire gode sjansar, men endten gjekk avslutningane utafor eller så redda Hjo sin dyktige keeper. Når dryge halvtimen er spelt er Hjo oppe på ein sjeldan visitt framfor Norborg sitt mål og skaffar seg corner. Corneren vart slått presist inn på 5-meteren der nr. 10 pirkar ballen over streken til ufortent 2-0 leiing.
Omgangen kan kort oppsummerast at IFK Hjo scora på det dei skapte, medan Norborg hadde ballen og skapte dei fleste sjansane. Diverre utan å lykkast.
Tre minutt ut i 2. omgang får Norborg håp om å hente opp Hjo si leiing då Tarjei Urkedal vart hindra innafor 16-meteren og dommaren peikar på straffemerket. Kim Idar Krogsethagen sette straffa sikkert i mål til 1-2.
Norborg hadde eit jamt trykk mot Hjo sitt mål resten av kampen, men hverken Lennart Holmem, Asgeir Kalvø, Kristian Søviknes eller Tarjei Urkedal greidde å sette sjansar til mål. Dermed vann IFK Hjo 2-1 over nordmennene. At dette var ein fin skalp for svenskane såg vi på dei elleville jubelscenene etter kampen.
Norborg må rette på presisjonen på forløysande pasningar og avslutningar om det skal bli poeng i 4. divisjon.
