Hovdebygda – Norborg 3-7

Hovdebygda – Norborg 3-7 (2-2) 5 sjansar 15 3 hjørnespark 5 0 1 0 0
Arena: Hovdebygda gras, 24.08.03 Tilskodarar: ? 1-0 Jo Martin Aasen (6) 1-1 Kenneth Vegsund (10) 1-2 Kim Idar Krogsethagen (11) 2-2 Jan Egil Gretland (15) 3-2 Jan Egil Gretland (48) 3-3 Bjørn Urkedal (56) 3-4 Tarjei Urkedal (58) 3-5 Kim Idar Krogsethagen (63) 3-6 Kim Idar Krogsethagen (75) 3-7 Kim Idar Krogsethagen (86) Dommar: Per-Ola Utgård, FK Sykkylven Norborg sine tre beste: Kim Idar Krogsethagen -8 Geir Ove Grønli -7 Kenneth Vegsund -7	Laget: Geir Roar Gamlem Kristian Søviknes – (Jan Even Drønnesund, 75) Kenneth Vegsund Morten Kalvø Roger Grytten Christopher Urkedal – (Bjørn Urkedal, 50) – (Kristian Søviknes, 85) Eirik York Stein Erik Reitan Tarjei Urkedal Kim Idar Krogsethagen – (Geir Ove Grønli, 87) Geir Ove Grønli – (Kristian Søviknes, 77) – (Jan Vatnehol, 81)
Norborg sleit lenge med å få opp intensiteten og lot Hovdebygda få leie 3-2 eit lite stykke ut i 2. omgang. Men så vart det klasseforskjell på laga. Norborg rundspelte heimelaget totalt og scora 5 mål på den neste halvtimen. Dermed ein fortent storsiger til oransjetrøyene som nærmar seg toppen av divisjonen. Heimelaget med tidleg mål Eit Norborg-lag med tre strake sigrar bak seg reiste søndag til Hovdebygda for å revansjere eit bittert heimetap frå i vår. Men det var heimelaget som kom best i gang, og tok leiinga etter 6 minutt då Jan Egil Gretland kom på eit raid på sida og legg inn. Det oppstår kaos i Norborg sitt forsvar og Jo Martin Aasen sette den i mål. Norborg snur kampen Norborg kom seg raskt til hektene og brukte berre 5 minutt på å ta føringa i kampen. Utlikninga kjem på ein godt slått corner av Kristian Søviknes. Eirik York stussa ballen bak i feltet der Kenneth Vegsund står klar og headar inn sitt første seriemål for sesongen. Leiarmålet minuttet etter kjem etter eit langt utspel frå Geir Roar Gamlem som Geir Ove Grønli vidareformidlar til Kim Idar Krogsethagen. Han spring frå det som er, rundar keeper og skårar sitt 90. seriemål for Norborg. Rask utlikning Men Hovdebygda gir seg ikkje. Kvarteret er gått då Norborg-forsvaret har ballen, men klussa det til med ei horribel pasning. Ein Hovdebygda-spelar snappar ballen, skjer inn i 16 meteren og sentra til Jan Egil Gretland som enkelt sette ballen i mål. Etter det målrike opningskvarteret fell kampen kraftig i underhaldningsverdi. Norborg verka svært tafatte og får til svært lite. Heldigvis var ikkje Hovdebygda noko spesielt kvassare heller. Dermed stod resultatet seg til pause. Gretland på ny I 2. omgang var det eit meir bestemt Norborg lag på bana. I tillegg vart det gjort nokre rokeringar på laget. Grønli vart flytta ned på midtbana, York tok venstrekantplassen til C. Urkedal, medan han gjekk opp på topp. Men trass i dette var det Hovdebygda og Gretland som kunne juble for 3-2 leiing. Norborg får ikkje klarert ute på høgresida. Hovdebygda tek over ballen og slår inn i feltet der Gretland puttar ballen i mål og scorar sitt andre for dagen. Så vakna Norborg Men så skjønte Norborg alvoret, og tok fullstendig over kampen. På topp har Bjørn Urkedal kome inn for ein skada Christopher Urkedal, og Bjørn kjem nesten umiddelbart i fokus då han utliknar dryge ti minutt ut i omgangen. Målet kjem slik: Krogsethagen legg fint inn til Bjørn som heada, keeper redda, men gir ein retur som hamnar hos Bjørn som skårar. 11 minutt var då gått av 2. omgang. To minutt etter fyrer Krogsethagen av eit skot, keeper reddar men må gi retur. Den sette Tarjei Urkedal kontant i nota til Norborg leiing 4-3. Men Norborg vil ha meir. Først er Grønli farleg frampå med ei heading før Krogsethagen aukar leiinga aleine med keeper. Først sette han ballen i ein region litt under magen, får tilbake ballen, og medan keeper ligg å vri seg i smerter sette han nådelaust inn 5-3. – Sporty som Kim er gjekk han bort å beklaga den første avslutninga som ga bjelleklang. Kim perle Etter dette går det heile 12 minutt før neste mål kjem. Norborg har fått frispark like utafor 16 meteren. Eit frispark eksekutør Krogsethagen sette rundt muren og i mål. Dryge ti minutt seinare er det klart for dagens vakraste mål. Krogsethagen har ballen på omkring 35 meters hald. Hovdebygda sitt forsvar stoppar opp, Krogsethagen ser etter pasningsalternativ før han bestemme seg for å fyre laus. Og for eit skot. Ballen fyk i mål nede ved stolperota utan sjanse for keeper. Dermed 7-3 til dei oransjekledde. Med i toppen Norborg opna denne kampen tafatt der nokre av spelarane sine ikkje fann posisjonane sine. Men etter at dette vart retta på i 2. omgang var alt tilbake slik som det skulle vere. Stødig forsvarsspel, mange fine angrep og 5 scora mål. Men viktigast av alt; det er no 12 poeng ned til laga under streken, medan det berre er 6 poeng opp til leiarlaget Valder. Banens klare einar var Kim Idar Krogsethagen. Etter ein 1. omgang under pari, herja han vilt i store delar av 2. omgang. Og med 4 mål er han no 4. divisjon sin klare toppscorar med 26 mål, samtidig som han har laga 93. seriemål for Norborg sidan debuten i 1999. Når får vi feire de 100 Kim Idar? Elles spelte Kenneth Vegsund seg stort opp i 2. omgang og var best i de bakre rekker, medan Geir Ove Grønli var god både som spiss i 1. omgang og som midtbanespelar etter pause. Neste kamp for Norborg er heime mot botnlaget Åmdal neste søndag. Også i den kampen har Norborg eit tap å revansjere. Vel møtt!