Norborg-Larsnes 2-0 (1-0)
Uggedal Stadion, 27.04.02
8 sjansar 1
5 hjørnespark 3
0 2
1-0 Kim Idar Krogsethagen (3)
2-0 Krogsethagen (73)
Dommar: Øyvind Heggstad, Spjelkavik -7
Laget: Kurt Erik Grytten – Stig Wold, Kenneth Vegsund, Øyvind Farstad, Vebjørn Grytten – Christian Søvik (Gustavo Pedreira, 75), Kristian Søviknes, Tarjei Gjerset Urkedal (Geir Ove Grønli, 75), Alexander Gamlem (Roger Gytten, 85) – Kim Idar Krogsethagen, Steffen Grytten (Eirik York, 58)
Norborg vann fortent 2-0 over Larsnes etter to fine mål av Kim Idar Krogsethagen. Norborg styrte kampen frå start til slutt, og burde ha vunne med fleire enn to mål.
Norborg mangla støttespelarane Morten Kalvø, Stein Erik Reitan og Kenneth Gamlem til denne kampen, men var likevel favorittar mot Larsnes.
Norborg dominans
Kampen begynte svært bra for heimelaget. Allereie etter 3 minutt la Vebjørn Grytten eit presist innlegg til Kim Idar, som skåra på ein fin volley med breisida frå ca. 11 meter. Eit fint angrep av Norborg. Etter dette fortsette Norborg å ha ballen, men skaper ikkje noko før kvarteret er gått. Då er det Steffen Grytten som gir fint til Christian Søvik på venstresida, han sende ballen over til Kim Idar som dreg av ein mann før han skyt, men keeper er raskt nede å redda skotet. Like etterpå er det Kristian Søviknes som prøver seg på ei brasse, men ballen sniker seg på feil side av stolpen. Norborg styrer kampen og både Steffen og Kristian var nær ved å skåre. Steffen burde ha greidd å satt ballen i nota då han fekk ein gyllen moglegheit frå kloss hald etter eit godt innlegg av Alexander, men sikte var ikkje skikkeleg stilt inn. Like før pause er Larsnes på visitt i Norborgs 16-meter. Asle Johansen kjem igjennom, men Kurt Erik tek ut det beste i seg med ei glimrande redning. Det hadde vore blodig urettferdig med eit Larsnes-mål her.
Norborg var det beste laget i 1. omgang og burde ha leia med meir enn det eine målet. Spesielt midtbana med Kristian Søviknes i spissen spelte bra.
Kim med godfoten
I 2. omgang var Larsnes meir med utan å skape noko. Norborg skapte nokre halvsjansar, men imponerte ikkje slik som i første. Omgangen sitt høgdepunkt var då Kim dunka ballen i krysset frå ca. 20 meter. Eit herleg mål av Kim, men skryt også til Alexander som krangla med seg ballen og fekk gitt til Kim. Norborg hadde etter dette full kontroll og tok ein fortent siger.
Dommar Heggstad gjorde ein god kamp, men oversåg tre hjørnespark til Norborg. I ein forholdsvis roleg kamp delte han ut to gule kort til gjestane.
Spelarvurdering:
Kurt Erik Grytten: 7
Hadde ikkje så mykje å gjere, men tok ut det beste i seg då Asle Johansen var igjennom. Sikker og roleg.
Stig Wold: 6
Spelte stort sett bra, bruker farta si, men minus for nokre dårlege klareringa.
Kenneth Vegsund: 7
Vinn i lufta, gode klareringa og bra framspel.
Øyvind Farstad: 7
Spelte seg opp etter å ha vore litt overivrig i starten. Trygg i 2. omgang.
Vebjørn Grytten: 7
Har bra initiativ på høgrekanten, viser ofte fram sin gode høgrefot. Minus for ei klarering som gjekk mot eige mål. Målgjevande.
Christian Søvik: 7
Jobba godt på venstresida. Litt uvenn med ballen i enkelte situasjonar, men elles sterk og god.
Kristian Søviknes: 8
Veldig bra 1. omgang av Kristian. Omgangen sin dominerande spelar. Jobba godt, vann i lufta, overblikk og gode pasningar. I tillegg snakka og dirigera han bra. Ikkje så dominerande i 2. omgangen, men er Norborg sin bestemann.
Tarjei Gjerset Urkedal: 7
Jobba som vanleg godt, men er nok litt hemma av ankelskaden sin. Stødig kamp av Tarjei.
Alexander Gamlem: 6
Variera i prestasjonane. Har fart og tør å utfordre, men møter ein sterk og rutinert venstreback. Litt uvenn med ballen i denne kampen. Målgjevande.
Kim Idar Krogsethagen: 8
Skårer to mål og viser tekniske detaljar. Kan til tider vere litt ego, men Kim har lov til det.
Steffen Grytten: 6
Jobba og jobba, men er litt uvenn med ballen og det trekk ned. Burde ha skåra på ein gedigen sjanse i første.
Eirik York: 7
Kjem inn den siste halvtimen og gjer ein brukbar jobb. Vinn nokre duellar og har ein bra pasningsfot.
