Blindheim/Emblem – Norborg 3-2 (1-1)
Blindheim grus 01.05.02
10 sjansar 4
5 hjørnespark 5
1 0
0-1 Christian Søvik (30)
1-1 Jan Magne Knudsen (31)
1-2 Vebjørn Grytten (47)
2-2 Terje Ottersen (58)
3-2 Jan Magne Knudsen (80)
Dommar: Kjell Heltne, Spjelkavik -5
Norborg tapte 3-2 for Blindheim/Emblem i ein dårleg fotballkamp. Norborg tok leiinga både 1-0 og 2-1, men B/E utnytta dei mange personlege feila og tok ein fortent siger.
Heimelaget opna best og skapte nokre halvsjansar dei første 10 minutta, men etterkvart kom Norborg meir med. Etter halvtimen får Norborg innkast midt på bana. Vebjørn Grytten kasta til Stein Erik Reitan, som kjem seg rundt på høgrekanten og legg fint inn til Christian Søvik som headar kontant i mål.
Gleda varer ikkje lenge for oransjetrøyene. Minuttet etter utliknar vertane. Ballen blir slått inn i Norborg sin 16-meter. Norborg får ikkje klarert og ein B/E spelar skårar enkelt frå om lag 8 meter. Like før pause må Kurt Erik Grytten ta fram det beste i seg når ein B/E spelar får avslutta frå 10 meter.
Norborg har i 1. omgangen opptrett usikkert og har ikkje funne roa i spelet sitt.
Det tek berre 2 minutt av 2. omgang før Norborg igjen tek leiinga. Vebjørn slår eit frispark frå langt hald. Keeper feilbereknar og ballen går i mål. B/E tek over spelet og når kvarteret er gått får dei utteljing. Kenneth Vegsund skal klarere, men Stig Wold kjem i vegen og det enda med at ein B/E spelar snappar ballen og skårar.
Etter dette blir den rotete kampen avgjort med tabbe frå dommar, Stig, Kurt Erik og Vebjørn. Først tek ein B/E spelar innkast ein meter innpå bana, så handsar ein B/E spelar, så rykker Kurt Erik unødvendig ut, ballen går over han og mot mål. Situasjonen ser ut til å bli redda av Vebjørn, som kjem inn på strek og har berre å avklare. Han opptrer diverre nonchalante og rotar ballen i mål. Dermed ei fortent 3-2 leiing til vertane.
På overtid får Norborg hjørnespark. Stein Erik tek ein ypparleg corner der Geir Ove Grønli headar i mål, men dommaren annullerte på grunn av skubbing. Kampen ebba då ut med eit noko fortent Norborg tap.
Norborg spelte ein dårleg kamp både taktisk og teknisk. Samtidig hadde fleire av spelarane ein innsats som ikkje høyrer heime om ein vil vinne fotballkampar.
Kurt Erik Grytten – Stig Wold, Kenneth Vegsund, Øyvind Farstad, Vebjørn Grytten – Kristian Søviknes (Geir Ove Grønli, 64), Stein Erik Reitan, Eirik York (Gustavo Pedreira, 79), Tarjei Urkedal (Steffen Grytten, 73) – Christian Søvik, Kim Idar Krogsethagen
Spelarvurdering:
Kurt Erik Grytten: 7
Gjorde mange gode redningar, men opptredde usikkert ved eit par situasjonar.
Stig Wold: 5
Hadde store problem med å avklare, usikkert pasningsspel og var innblanda i to baklengsmål. Men redda nokre situasjonar med farta si.
Kenneth Vegsund: 6
Hadde problem med farta til B/E spissane, men vinn ein del i lufta og har brukbare pasningar. Slapp!
Øyvind Farstad: 6
Opptrer ofte nølande og har problem med plasseringa. Men til tider heldt han eit høgt nivå.
Vebjørn Grytten: 6
Har ro og gode pasningar i 1. omg. Den store tabba i 2. omgang fører til at han opptrer usikkert i resten av kampen. Dårleg i lufta. Målskårar!
Kristian Søviknes: 5
Anonym ute på vingen. Dårleg ballbehandling. Nokre giftige innlegg.
Eirik York: 5
Dårlege pasningar. Sleit med plasseringa og virka treg.
Stein Erik Reitan: 6
Jobba godt, men fekk lite til bortsett frå den målgjevande pasninga.
Tarjei Gjerset Urkedal: 5
Taper uvant mange duellar. Har dårleg ballbehandling og mange feilval. Pluss for god innsats.
Christian Søvik: 7
Skåra eit mål og jobba godt på ein uvant posisjon. Vinn duellar, men kunne vist større ro i enkelte situasjonar.
Kim Idar Krogsethagen: 5
Anonym. Hadde eit par ufarlege headingar. Tafatt. Fekk få oppspel i beina. Pakka godt inn av heimeforsvaret.
Geir Ove Grønli: 6
Farleg på dødball. Fekk eit mål annullert. Manglar litt på toppforma.
