Brattvåg/Norborg/Harøy har hatt ein ujamn vårsesong og ligg på 5. plass av dei 8 laga i 1. divisjon. Toppscorar på laget er Per Kristian Helle Hildre som har putta 8 av dei 13 måla laget har scora. Vi har fått trenar Marius Fylling Rogne til å oppsummere vårsesongen.
Fyrste halvdel av juniorsesongen er over, og ikkje alt har gått etter mål og ambisjonar. Vi starta med eit brak borte mot Langevåg der vi feide motstandaren av banen og knapt slapp til noken skot. Ein perfekt opning som gav oss trua på at vi held på med er bra. I neste kamp fekk vi kjempa inn ein 3-2 siger takka vere debutant Magnus Otterlei (15), og så kom utfordringane på rekke og rad.
Vi møtte ein god motstander i Herd som gav oss ein peikepinn på kor mykje innsats som må til for å vere god mot dei beste. Ørskog viste kor tøff ein må vere i duellspelet og ein frykteleg jamn kamp mot Blindheim gav nok ei aha-oppleving. Mot Aksla brenn vi store sjansar, samt at vi slepp dei for lett til på deira scoringar. Nesten har blitt eit ord som har gått igjen for samarbeidslaget sitt juniorlag.
Den positive overraskinga kom i siste serierunde før ferien mot Spjelkavik. Der la vi om til ein kynisk 4-5-1 og gutane gjorde den jobben som krevast for at ein skal vere god mot dei beste. Spjelkavik hadde kun tapt mot Herd tidligare i sesongen, medan vi blei lag nummer to som tok poeng frå bylaget. Eit viktig poeng inn mot haustens mål.
Målet før sesongen var å bli topp 4, og det målet har ikkje forandra seg. Vi har blitt godt kjent med våre motstandarar og ser kun oppover og moglegheita for hausten 2019. 4.plassen skal kaprast og poengfangsten skal fordoblast. Vi har fått tre debutantar frå G16 som vi håpar å kunne sjå meir av utover hausten. 19.august starta vi haustsesongen mot Langevåg i Uggedalen, og vi kjem til å sjå eit heiltent og framoverretta juniorlag. Har ein ikkje sett våre unge talent tidlegare, vil den kampen bli ei sterk anbefaling for dei som er glad i Brattvåg, Norborg og Harøy!
Marius Rogne
Trener/Lagleiar
BNH jr – 918 58 635
