Vårsesongen er over halvspelt og sjølv om det er veldig jamt frå 3. til 10. plass, begynne vi å sjå konturane av laga sine styrkeforhold. To lag har starta å skilt seg ut i toppen og det same i botnen, men det kan snu seg fort. Her er kampane i runde 7.
Les meir →

Blindheim slo til med ein 10-0 siger over Sæbø og haldt dermed på tabelltoppen. Sæbø på si side gjekk til botn på tabellen ettersom Fjørtoft greidde 0-0 borte mot Volda2. Herd2 gjekk på eit nytt tap då Skodje vann 1-2 på Moa. Stranda vann 1-0 over Hovdebygda og har dermed haldt nullen i tre heimekampar på rad. Norborg/Brattvåg2 har haldt nullen i tre kampar på rad då Ellingsøy vart sendt heim med 3-0 i sekken. Onsdag kveld vann Langevåg 3-1 over Guard på Color Line Stadion.

Tabell

Tor Grande vart trekt ut som vinnar av tippekonkurransen vi hadde i høve lokaloppgjeret mot Fjørtoft. Han prikka inn 3 av 4 spørsmål, slik ein del andre også gjorde. Premie vil bli levert over helga.

Norborg/Brattvåg2 avanserte frå 5. til 2. plass på tabellen etter bortesigeren over Fjørtoft. Skodje gjekk på sesongens første tap då Guard reiste frå Skodje med heile 5-0 i bagasjen, medan Herd2 stod for den største overraskinga då dei tapte 4-1 for Ellingsøy. Langevåg tok årets første siger då Stranda vart slått 5-1. Sæbø leia 3-1 til pause, men måtte til slutt sjå seg slått 4-5 av Hovdebygda etter eit overtidsmål.

Resultat 5. serierunde:

Blindheim – Volda2 4-0
Sæbø – Hovdebygda 4-5
Ellingsøy – Herd2 4-1
Langevåg – Stranda 5-1
Skodje – Guard 0-5
Fjørtoft – Norborg/Brattvåg2 0-2

Tabell

Blindheim og Volda2 tjuvstarta femte serierunde i 5. divisjon. Som venta vann Blindheim komfortabelt 4-0 og kan feire 17. mai på tabelltopp. Dei fem øvrege kampane spelast onsdag 16. mai. Vi har sett litt på kampane.
Les meir →

Onsdag 16. mai kl. 1915 er det klart for det første seriemøtet mellom Fjørtoft og Norborg sidan 19. september 1998. Den gong enda det med 10-0 til Fjørtoft. Vi trur ikkje på reprise, men kva trur du? Bli med på vår konkurranse og tipp utfallet av dei fire spørsmåla under. Det blir trekt ut premie til ein av dei som har svart flest riktig. NB! Maks eitt forslag per person.

Tippekonkurransen er avsluttet. 41 stk. har levert inn forslag. Ingen fekk 4 rette, men heile 12 stk. fekk 3 rette. Vi vil trekke ein vinnar blant desse tolv i løpet av 17. mai.  

Då kan vi endeleg presentere ei nyoppussa heimeside. Dette er fjerde versjon av norborg.com sidan starten i 2001. Det meste av nyttig info er overført frå den gamle sida. Noko som var litt av ein jobb sidan ein måtte bruke klipp og lim metoden på ca. 900 artiklar. Alle undersidene er derfor ikkje like “vakre” sidan dei vart laga på dei gamle sidene.  Det har også blitt lagt inn fleire hundre bilete.

Kva er nytt? Ved sida ny plattform og sjølve designet så har det i høgremargen blant anna kome inn Twitter. Det at Norborg sin twitterkonto er integrert i nettsida gjer at du slepp å gå inn på vår twitterkonto for å følge med på oppdateringane av f.eks. A-laget sine kampar. Vi har også integrert Instagramkontoen til fotballgruppa. Her vil det siste biletet som er lagt ut der bli synleg. Nederst på høgresida finn du eit søkefelt. Du kan jo søke på ditt eige navn å sjå om du er med i ein artikkel eller to.. I venstremenyen så har det kome inn eit val som heiter “Galleri”. Her vil du finne mange bilete frå dei siste 17 åra, samt nokre eldre bilete.

Med denne nye sida håper vi også at fleire kan bidra med å legge inn stoff for å gjere norborg.com meir levande.

Norborg/Ravn/Harøy vann 8-3 over FK Sykkylven i serieavslutninga, men sidan Herd vann 2-0 i Ulsteinvik greidde ein ikkje å ta 2. plassen. Hødd vann 1. divisjon på betre målskilnad enn Herd, medan NoRaHa enda to poeng bak.

https://www.fotball.no/fotballdata/turnering/hjem/?fiksId=154805

Norborg – Tomrefjord 2-9 (1-2)
Treningskamp, Uggedal KGB, 17.02.2016

Sjansar: 5-14

0-1 Daniel Sundet (str. 3)
1-1 Hans Edvard Nordang (30) – frispark via stolpen og inn.
1-2 Ken Robin Hildre (31)
1-3 Erlend Søberg (53)
1-4 Kenneth Eik Frostad (55)
1-5 Ken Robin Hildre (59)
1-6 Ken Robin Hildre (63)
1-7 Jørgen Gravdehaug (66)
1-8 Erlend Søberg (78)
1-9 Michael Fagervoll (81)
2-9 Ole-Kristian Aarseth (84) – velplassert skot frå 18 meter.

Tomrefjord fekk lett kamp i Uggedalen onsdag kveld. Etter ein ganske jamspelt 1. omgang sprang Tomrefjord heimelaget i senk og viste samstundes høg effektivitet då dei hamra inn sju mål i 2. omgang. Norborg mangla balltempo, var sløve i presset og hadde stor avstand mellom lagdelane. Kort fortalt ein elendeg kamp av dei oransje mot kvikke romsdalingar.

Første treningskamp for året. Spelarane skal yre av speleglede og springe som kalver når dei slepp ut av fjøset. Slik opptrådde Tomrefjord, medan Norborg viste alt anna enn det.

Det nyopprykka 4. divisjonslaget var på hogget frå start av og i det vi passerte to minutt fann Steffen Grytten ut at han ville klippe ned ein tomrefjording. Soleklar straffe som Daniel Sundet sette sikkert i mål. Tomrefjord var det beste laget og skapte nokre farlege sjansar, men Geir Roar Gamlem haldt stand. Norborg spelte med lågt tempo på ballen og tok ikkje vare på dei romma som oppstod. Til det gjekk vendinga av spelet altfor treigt. Likevel greidde ein å etablere eit lite trykk på gjestane midtvegs i omgangen. Pedro Silva fekk den største sjansen, men upressa avslutta han eit godt stykke utanfor mål. Norborg skulle likevel utlikne då Hans Edvard Nordang sette eit frispark i mål via stolpen. Tomrefjord slo raskt tilbake og utnytta at keeper Geir Roar Gamlem prøvde seg på ei frekk finte som bakarste mann. Forsvaret sprang av ukjente årsaker inn på strek i staden for å hjelpe ein keeper i naud og Ken Robin Hildre fekk det lett med å sette ballen i mål. Tomrefjord fekk også ein stor sjanse til å auke like før pause då ein Norborg-spelar låg nede med skade framfor eige mål. Men tomrefjordingen stod å vurderte om han skulle vise god sportsånd eller sette ballen i mål. Det enda med ein mellomting og keeper Gamlem redda det halvhjerta forsøket. Dermed 1-2 til pause.

Vi hadde eit håp om at Norborg skulle vise betre takter etter pause, men det vart med håpet. Tomrefjord fekk fritt spelerom og kjørte over stakkars heimespelarar. Gong på gong fekk dei bryte inne på Norborg sin halvdel å kjøre kontringar. Det var ein total kollektiv kollaps av Norborg. Måla rann inn og Tomrefjord låg etter kvart an til tosiffra, men heldigvis stoppa det på 9 mål og Ellingsøy er stadig det einaste laget som har nådd tosiffra i ein bortekamp mot Norborg etter det vi kan huske. Ole-Kristian Aarseth fekk æra av å sette inn det siste målet då han fekk til eit velplassert skot frå 18 meter.

Det vart stygge siffer for Norborg, men vi får håpe dette var ein vekker. Mange undervurderte nok Tomrefjord og fekk ikkje opp innsatsen, andre har eit særs dårleg treningsgrunnlag, og i tillegg hadde nok lagsamansetninga vore annleis om det stod om poeng. Norborg har likevel mykje å jobbe med den komande månaden fram til cupkampen mot Spjelkavik. Først og fremst må ein få på plass den defensive strukturen. Mål skal Norborg alltids greie å score.

Tor Abelseth fekk sin A-debut i denne kampen. Han gjorde ein god 1. omgang då laget hang nokonlunde i saman. Det er i alle fall liten tvil om talentet til guten frå Ørskog.

Neste oppsatte treningskamp er heime mot Valder 2. mars kl. 1830.

Laget: Geir Roar Gamlem – Jan Tore Fjørtoft, Tor Abelseth, Hans Edvard Nordang, Steffen Grytten (Krogsæter, 83) – Ole Johan Urke (Per-Stian Alvestad, 67), Christian Sæther (Pedro, 83), Ole-Kristian Aarseth, Fredrik Krogsæter (Nikolai Jensen, 46) – Kristoffer Søviknes (Joakim Roald, 46), Pedro Silva (Tarjei Urkedal, 46).

Dommar: Arild Vegsund

Norborg spelar onsdag kl. 19 årets første treningskamp når Tomrefjord tek turen til Uggedalen. Norborg har hatt ein trøblete vinter med mykje sjukdom, men stille eit godt mannskap sjølv om spelarar som Joakim Kjærstad, Henning Koppen, Denis Sjåstad og Magnus Seth alle er ute med sjukdom.

Trenar Stig Johansen er frisk og har sendt oss følgjande ord: Onsdag møter vi Tomrefjord (4. div.) til årets første treningskamp. Det har vært en vanskelig oppkjøring til sesongen så langt. Vi har hatt mye sykdom i troppen, noe som har ført til at vi har hatt få spillere tilgjengelig på trening. Vi er derfor på etterskudd i forhold til oppkjøringen til sesongen i 2015. Kampen mot Tomrefjord blir faktisk første gang i år vi spiller på stor bane! De som har vært på trening har trent godt, jeg regner derfor med at vi skal bite godt fra oss i kampen! Mange av de etablerte spillerne i 2015 valgte og trappe ned/legge opp/skifte klubb før årets sesong. Hildrestrand, Sundnes x 2, Elling, Tarjei, Mathias har blitt erstattet med ungdommelig pågangsmot, talentfulle spillere med god holdninger som Tor Abelseth, Magnus Seth, Nikolai Jensen, Fredrik Krogsæter, Per-Stian Alvestad og Ole Kristian Aarseth vil prege et ungt Norborg-lag kommende sesong. Generasjonsskiftet er godt igang. Klubben sin fremtid ser lys ut, den starter allerede på onsdag mot Tomrefjord! Jeg håper du tar deg en tur for å støtte “nye” Norborg!

Dommar: Arild Vegsund