Norborg/Brattvåg2 tapte 4-1 for Hovdebygda sist fredag. Magnus Austbø Seth ga Norborg leiinga, men heimelaget snudde kampen etter mål av Robin Skuseth og Audun Lillebø. Les meir..

Norborg/Brattvåg2 måtte nok ein gong gå poenglause av bana etter at Bergsøy til slutt vart for sterke. Magnus Otterlei gav heimelaget leiinga etter eit kvarters spel mot eit bortelag, som utan sine fremste offensive spelarar sleit med å finne rytma i Uggedalen. Norborg/BIL2 kunne dermed gå til pause med eittmålsleiing. Etter pause hadde gjestane eit trykk mot Norborg sitt mål og snudde kampen til 1-2 etter straffemål av Junior Tombini og mål etter corner av Trym Rekkedal. Det siste særs omdiskutert etter at ballen låg ein meter utanfor hjørnesparkfeltet då ballen vart slått inn i feltet. Norborg sine spelarar protesterte både før og etter corneren vart tatt, men til inga nytte. Bergsøy var det beste laget, men med litt marginar kunne heimelaget fått behaldt eit viktig poeng. Les meir..

Norborg/Brattvåg2 tek imot 3. plasserte Bergsøy på Uggedal stadion fredag kl. 1830. Vél møtt!

Norborg/Brattvåg2 redda med eit nødskrik eit poeng mot botnlaget Blindheim. Trass fleire innslag frå Brattvåg sin 2. divisjonsstall leia Blindheim overraskande 1-3 til pause på Uggedal stadion. Ein sterk sluttspurt med to mål på siste ti minutt ga 3-3 i ein kamp der vi må seie at berre tre poeng var godt nok.
Les meir..

Norborg/Brattvåg2 gjekk på sitt tredje strake tap då Ørsta vart for sterke og kunne reise heim med ein 5-1 siger. Ørsta tok tidleg leiinga ved Knut Erik Myklebust og hadde dei første tjue minutta fleire sjansar til å doble leiinga. Gjestane viste i denne perioden særs flott spel i rein Nils Arne Eggen ånd. Etter kvart kom Norborg seg til hektene og greidde gradvis å heve spelet sitt. Nokre minutt før pause gav dette resultat då ein fekk idømt straffespark etter felling av Adrian Korsedal. Martin Koch fekk to forsøk frå kritmerket og utlikna til 1-1. Etter pause må vi seie at Norborg ikkje var i nærleiken av poeng etter at Knut Erik Myklebust på ny ga gjestane leiinga tidleg i omgangen. Ørsta var best i alle spelets faser og auka til 1-3 ved Lasse Rebbestad, 1-4 ved Myklebust og 1-5 ved Sigurd Sundnes. Les meir..

Norborg/Brattvåg2 tek fredag imot topplaget Ørsta på Uggedal KGB. Norborg tok fire poeng mot dette laget i fjor og har hatt eit lite overtak sidan ein møttes for første gong for 15 år sidan. Møt opp for å sjå om Norborg kan bli dei første til å påføre Ørsta årets første tap.

Norborg/Brattvåg2 måtte sjå seg slått 1-2 av SIF/Hessa på Uggedal KGB ikveld. Gjestane tok leiinga ved Dani Ramsy Suleiman 5 minutt ut i kampen. Martin Fylling Koch utlikna på straffe før kvarteret var spelt. 1-1 stod seg til pause. Tjue minutt før slutt fall avgjersla då Mathias Kristensen Sandø sette ballen i nota. SIF/Hessa har dermed fått ein god start på sesongen med 6 poeng av 6 moglege. Norborg får overnatte på 2. plass fram til resten av runda spelast fredag.

Torsdag 27. april kl. 1830 tek Norborg/Brattvåg2 imot SIF/Hessa på Uggedal KGB. Begge lag fekk ei pangopning på sesongen der våre gutar vann 5-0 borte mot Langevåg, medan SIF/Hessa banka Blindheim 6-0.

Frå sist kamp er Ivan Håvik borte grunna jobb, medan Anders Toven er tilbake frå jobb og klar til dyst. Tor Abelseth og Tobias Jensen er framleis uaktuelle grunna skade.

Tilsvarande kamp i fjor enda 2-2.

Vél møtt!

NB! Gratis inngang!

Norborg/Brattvåg2 vann heile 5-0 borte mot Langevåg i serieopninga. Martin Fylling Koch scora to mål før pause, medan Thomas Aarsund, Henrik Hurlen og Adrian Korsedal stod for måla etter kvilen. Meir kjem.

I kveldens andre 4. divisjonskamp vann SIF/Hessa 6-0 over Blindheim. SIF/Hessa er Norborg/BIL2 sin motstandar om ei veke i Uggedalen.

Norborg/Brattvåg2 – Aksla 2-0 (1-0)
Treningskamp, Uggedal Stadion Kunstgras, 14.04.2023

1-0 Henrik Otterlei Hurlen (18)
2-0 Adrian Korsedal (67)

Det var ein kamp som bar preg av at eit lag ville legge seg lavt og ta kontringar, medan Norborg/BIL2 ville forsøke å finne opningar i Akslaforsvaret. Dei oransje sleit med å finne dei tydelege romma, og evna ikkje å sette opp tempo i 1.omgang når Aksla sette tempoet ned. I staden blei det offensivt press som blei oppskrifta på å få hull på byllen. Magnus Otterlei gjekk i kraftig press på Akslas venstrestopper og gjenvinninga gav ein god pasningsmoglegheit til Henrik Hurlen som sette ballen kontant i nota aleine med keeper. Norborg hadde fleire gode dødballar, og nokre forsøk på å skremme Aksla, men ingen av forsøka gav særleg til uttelling. Aksla på si side hadde eit par farlege kontringar, men Viktor Tomic måtte berre ein gong i full strekk etter ei avslutning frå skrå vinkel. 1-0 var heilt greitt i kamp som ikkje var eit fyrverkeri.

I 2.omgang var det Aksla som sendte avgårde fyrste skot etter 30 sekund, men ikkje til fare for Ronald Olsen som hadde kome inn i buret. 2.omgang bar preg av det same kampbildet, men Norborg/BIL2 hadde betre rytme i det offensive spelet i 2.omgang. Både Stian Klokk og Tobias Jensen på backane kom meir med i 2.omgang, og fekk skapt et trykk mot Akslamålet. Elias Seth hadde kome inn som midtstopper, og leverte sin andre assist for året, på nydeleg vis. Han tar med seg ballen framover, og frå midtbana legg han ballen inn i rommet til Adrian Korsedal. Han får ta ballen ned, aleine i 16-meteren, og legger den kontrollert i næraste hjørne. Norborg/BIL2 hadde fleire skremmeskot og moglegheiter for å legge på til 3-0 med Magnus Otterlei, Stian Klokk, Lars Mikalsen og Henrik Hurlen, men meir mål blei det ikkje.

2-0 med god kontroll, og fleire skapte sjansar må seiast å vere godkjent i generalprøva. I vinter har det då blitt tre sigrar, ein uavgjort og eit tap.

Viktor Tomic (Ronald Olsen, 45) – Stian Klokk, Tor Abelseth (Henrik Hurlen, 87), Anders Toven, Tobias Jensen (Robert Dulgheru, 65) – Ivan Håvik, Noah Klokk – Magnus Otterlei, Oliver Gamlem (Elias Seth, 60), Adrian Korsedal (Jesper Vos, 70) – Henrik Otterlei Hurlen (Lars Mikalsen, 77).