Norborg/Brattvåg2 måtte sjå seg slått heile 1-11 av Herd fredag kveld. Gjestane viste ein effektivitet vi sjeldan ser og heimelaget frykta ei stund for at ein skulle gå på tidenes største Norborg-tap då den eine avslutninga etter den andre fann vegen til nettmaskene. Heldigvis tapte ein den siste halvtimen berre 0-1 slik at 0-12 rekorden frå 1997 framleis står.
Les meir..

Norborg/Brattvåg2 tapte botnkampen mot Blindheim med heile 6-0. I front for massakren stod Lukas Slyngstadli med mor frå Grytastranda og far frå Slyngstad, Han scora to mål før pause og fullførte hat-tricket sitt like etter sidebyte.
Les meir..

Norborg kjempa godt, men minuttet før slutt måtte ein på nytt sjå poenget forsvinne då Petter Haddal Worren sette eit frispark frå 25 meter i nota. Bittert for Norborg, men fortent for Hareid som hadde skapt fleire store sjansar i løpet av kampen. Norborg på si side skapte ingenting dei første 80, men i minutta før Hareid sitt mål kom Robert Dulgheru seg til to gode moglegheiter, men diverre utan nettsus.
Les meir..

Norborg/Brattvåg2 jaktar årets 2. siger når Hareid kjem på besøk fredag. Vél møtt!

Norborg/Brattvåg2 gjekk på eit 8-0 tap borte mot Ørsta torsdag kveld. Allereie før halvtimen var spelt hadde Knut Erik Myklebust scora hat-trick, medan Steffen Myklebust auka to gongar før pause. Ein Norborg-spelar scora først etter pause, men diverre i eige mål. Martin Bondhus la på til 7-0 eit kvarter før slutt, medan Knut Erik Myklebust scora sitt fjerde for dagen ti minutt seinare. Ingen comeback denne gongen, men trenar Marius Koch Rogne fekk sin A-kamp nr. 50 for Norborg.
Kampreferat

Norborg/Brattvåg2 hadde diverre lite å stille opp med i kveldens kamp mot Rollon. Dei to Waagan-brødrene Anders og Marius scora kvart sitt mål før pause, medan Lage Haadem og Arthur Arsnukajev gjorde 0-3 og 0-4 før Anders Waagan fastsette sluttresultatet til 0-5 med sitt andre for kvelden. André Larsen var kveldens comeback-spelar for heimelaget. Han var med for første gong sidan juni 2018.
Les meir..

Norborg/Brattvåg2 jakter sin første siger sidan serieopninga når Rollon kjem på besøk til Uggedalen fredag kl. 1830. Møt opp å sjå gutane greier å få seg ein trepoengar og om nokon gjer comeback denne veka også.

Norborg/Brattvåg2 måtte sjå seg slått 2-1 bort mot SIF/Hessa torsdag kveld. Heimelaget tok leiinga 1-0 i det 33. minutt ved Markus Foss Håndlykken. Marius Dulgheru har i år vore hjelpesmann rundt Norborg sitt A-lag. I kveld måtte han ta på seg drakta og dermed få sin A-debut i ein alder av 39 år. Med son Robert også på bana så er dette første gong sidan 1990 at Norborg har far og son på bana i ein seriekamp. Den gong ved John og Terje Tellefsen. 25 minutt før slutt satte like godt far Dulgheru inn 1-1 etter forarbeid av sonen.  Norborg sitt seriemål nummer 2300 sidan starten i 1968. Diverre fekk ikkje Norborg med seg poeng heim då Gaute Kvalsvik sette inn 2-1 dryge ti minutt før slutt.

Tarjei Gjerset Urkedal gjorde comeback i denne kampen og plussa dermed på Norborg-rekorden sin til totalt 579 A-kampar.
Kampreferat

Norborg/Brattvåg2 måtte sjå seg slått 0-2 av Langevåg på Uggedal KGB fredag kveld. I ein jamspelt kamp var to personlege feil skilnaden på laga. Les meir..

Norborg/Brattvåg2 måtte sjå sigeren ryke då Volda2 utlikna på eit omdiskutert straffespark fem minutt på overtid. Oransjetrøyene har ikkje vunne sidan serieopninga i april, men denne gong var ein nærmare enn nokon gong. Magnus Austbø Seth og Martin Koch sørga for 2-0 leiing til pause, men utover 2. omgang tok kreftene slutt og Volda2 kom tilbake med to scoringar. Les meir..