Norborg/Brattvåg2 – Blindheim 3-2 (2-1)
Treningskamp, Uggedal KGB, 14.02.2019

1-0 Fredrik Hurlen (15)
2-0 Magnus Austbø Seth (18)
2-1 Adrian Os (31)
3-1 Magnus Austbø Seth (54)
3-2 Joakim Haugen (71)

Som i dei to føregåande treningskampane starta Norborg godt og leia 2-0 før tjue minutt var spelt. Først heada Fredrik Hurlen inn 1-0 før Magnus Austbø Seth dobla leiinga då han fekk stå heilt åleine innafor 16 meteren og triksa litt før han sendte ballen i fin boge over keeper. Om det var Blindheim som heva seg eller Norborg som slokna skal vi ikkje spekulere i, men Blindheim tok gradvis over kampen og reduserte då Adrian Os fekk ein stikkar i bakrom og sette ballen presist forbi keeper Arntsen. Etter kvila auka Seth til 3-1 etter eit flott angrep. Gard Rogne fann Magnus Jenssen ute på høgrekanten, han venta på Marius Fylling Rogne, som fekk ballen og slo den perfekt inn til Seth som sette den sikkert i nota. Joakim Haugen klinka inn 3-2 frå nærmare 30 meter og skapte spenning på slutten. Men trass motvind stod Norborg i mot og var nær 4-2 då Eirik Vågnes klinka ballen i tverra og ned.

Laget: Sander Arntsen – Jonas Holmeset (Per Kristian Helle Hildre, 83), Anders Toven (Tobias Jensen, 79), Tor Abelseth (Jesper Vos, 56), Marius Fylling Rogne – Ole Johan Urke (Vidar Nilsen Rogne, 53), Gard Rogne, Nikolai Jensen, Magnus Jenssen (Eirik Vågnes, 74) – Magnus Austbø Seth, Fredrik Hurlen (Per-Stian Alvestad, 46).

Med si 5-0 scoring i gårsdagens kamp mot Skodje noterte Ole Johan Urke seg for si 100. scoring for Norborg sitt A-lag. Herav 50 seriemål. Det første målet kom i ein treningskamp mot Ellingsøy 18. januar 2007. Urke er kjent for sine susande langskot, men både det første og det hundrande har kome frå kloss hald. Det første putta han etter ein retur frå keeper på eit skot frå Tarjei Gjerset Urkedal, nummer 100 etter at ein lite egoistisk Magnus Austbø Seth sentra når dei to kom åleine med keeper.

Norborg/Brattvåg2 – Skodje 6-0 (3-0)
Treningskamp, Uggedal KGB, 12.02.2019

1-0 Jesper Vos (6)
2-0 Jesper Vos (9)
3-0 Per-Stian Alvestad (20)
4-0 Per Kristian Helle Hildre (67)
5-0 Ole Johan Urke (83)
6-0 Magnus Jenssen (90)

Norborg kom godt i gong mot Skodje og scora tre mål på dei første tjue. Etter dette vart det mykje balltrilling og få sjansar fram til pause. I 2. omgang hadde Norborg full kontroll og scora ytterlegare tre mål. Allereie på torsdag er det ny kamp. Då mot Blindheim kl. 19.

Laget: Sander Arntsen – Per-Kristian Grytten Søvik (Anders Toven, 46), Tobias Jensen, Tor Abelseth (Nikolai Jensen, 58), Marius Fylling Rogne – Lars Mikalsen (Ole Johan Urke, 70), Jesper Vos (Gard Rogne, 70), Eirik Vågnes (Siver Davik, 75), Vidar Nilsen Rogne (Magnus Jenssen, 70) – Per-Stian Alvestad (Magnus Austbø Seth, 70), Per Kristian Helle Hildre.

Norborg/Brattvåg2 møter Skodje tysdag kl. 1830 og Blindheim torsdag kl. 19. Begge kampane går i Uggedalen.

Treningskampar dei siste sju dagane:

Skarbøvik/Hessa – Emblem 2-0
Rollon – Aksla 3-3
Ellingsøy – Langevåg 0-4
Herd – Blindheim 3-2

Norborg/Brattvåg2 – Harøy 5-3 (3-0)
Uggedal KGB, 05.02.2019

1-0 Magnus Austbø Seth (8)
2-0 Eirik Vågnes (11)
3-0 Magnus Austbø Seth (16)
3-1 Illya (46)
3-2 Sjølvmål (54)
3-3 Illya (59)
4-3 Magnus Austbø Seth (71)
5-3 Jesper Vos (85)

Heimelaget leverte eit godt første kvarter og leia fortent 3-0, men så fall konsentrasjonen kraftig så det vart ikkje fleire mål før pause. Etter pause vart Harøy som fekk ein pangstart og utlikna dei oransje si leiing før kvarteret var spelt. Norborg fekk etter kvart kvitta seg med Jon Blund og avgjorde kampen med to mål mot slutten. – Heilt greitt for å vere første treningskamp, sa Kristian Søviknes.

Sander Arntsten, Tobias Jensen og Eirik Vågnes debuterte på A-lagsnivå. Tobias har for øvreg meldt overgong frå Brattvåg til moderklubb Norborg.

Laget: Sander Arntsen – Marius Rogne (Urke, 46), Anders Toven, Tobias Jensen, Jonas Holmeset (Lars Mikalsen, 46) – Magnus Jenssen (Jesper Vos, 46), Nikolai Jensen, Eirik Vågnes (Gard Rogne, 57), Vidar Nilsen Rogne – Magnus Austbø Seth, Fredrik Hurlen  (Per-Stian Alvestad, 35).

Norborg skulle ha møtt Harøy til treningskamp i Uggedalen onsdag kveld, men som Fjørtoft sist, så trekker Harøy seg frå kampen grunna mangel på spelarar. Norborg har avtalt treningskamp mot Hødd2 på laurdag. Den kampen går enten på CLS eller i Uggedalen. Vi kjem tilbake med meir info når detaljane er på plass.

Vi tek elles med at Brattvåg/Norborg/Harøy G19 tapte 3-0 for Langevåg sist søndag. Kampen var i utgangspunktet ein kvalifiseringskamp for spel i 1. divisjon, men på grunn av få påmeldte lag så er alle laga allereie kvalifisert. Rapportane seie at det var oppjaga spel av BNH og at Langevåg vann fortent mot det vi kan kalle vårt nye juniorlag sidan dei mange -99 modellane no er eitt år for gamle.

Den planlagte treningskampen mellom Norborg og Fjørtoft torsdag kveld er avlyst.

Norborg har avtalt følgjande treningskampar:

Torsdag 24. januar kl. 19 Fjørtoft (h)
Onsdag 30. januar kl. 1915 Harøy (b)
Tysdag 12. februar kl. 19 Skodje (b)
Torsdag 14. februar kl. 19 Blindheim (h)
Torsdag 21. februar kl. 19 Aksla (h)
Torsdag 7. mars kl. 19 Emblem (h)
Fredag 15. mars kl. 1830 Åndalsnes (b)
Torsdag 28. mars kl. 19 Tomrefjord (h)
Torsdag 4. april kl. 19 Vestnes Varfjell (b)
Torsdag 11. april kl. 1830 Stranda (h)

Norborg/Brattvåg2 opnar heime mot Larsnes/Gursken fredag 26. april før ein tek turen til Blindheim veka etter. Torsdag 16. mai blir det heimekamp mot Valder. Siste kamp før ferien er borte mot Hareid 5. juli, medan haustsesongen tek til 16. august. Siste seriekamp er 25. oktober. Bortsett frå 16. mai runda så er alle kampane sett opp på fredagar. Endringar kan kome på terminlistemøtet.

Heile terminlista finn du her.