At Ørsta skulle ta tre poeng heime mot SIF/Hessa overraskar få, men at dei kvite og svarte skulle vinne heile 6-1 er imponerande. Hareid fortsette å plukke poeng, men måtte nok ein gong gi frå seg leiinga. 1-1 mot eit så godt lag som Valder er likevel bra for dei nedrykksdømde. Toppkampen mellom Volda og Rollon enda også 1-1, medan Bergsøy slo tilbake med ein sterk 0-2 bortesiger over Larsnes/Gursken. Hødd2 og Emblem vart utsett.
Tabell

Blindheim – Norborg/Brattvåg2 1-2 (1-1)
4. divisjon, Blindheim KGB, 03.05.2019

Sjansar: 8-8
Hjørnespark: 5-8

0-1 Fredrik Hurlen (13)
1-1 Henning Hareide (41)
1-2 Magnus Austbø Seth (51)

Norborg står som einaste lag med full pott etter 2 serierunder og kan reise til Fosnavåg neste fredag utan press. Kampen mot Blindheim vart ei tøff batalje der begge lag hadde sjansar nok til å score både eitt og to til. Sjølv om det vart jamt i sjansestatistikken, så var Norborg best i banespelet og hadde meir trøkk i åpent spel.

-Stolt av innsatsen som gutta legg ned. Vi har ein klar plan på kva vi ønsker som blir løyst bra ute på bana. Blir litt stressande siste ti minutta sidan vi ikkje får punktert kampen med 1-3, men vi rir det bra av til trass for at Blindheim flytter opp mykje folk. Ein betre start på sesongen kunne vi ikkje fått med to strake sigrar og full pott. Vi reiser nå til Fosnavågen neste veke med lave skuldre og god sjølvtillit, sa trenar Kristian Søviknes etter kampen.
Les meir..

Norborg/Brattvåg2 møter Blindheim på dagen 1 år etter at oransjetrøyene vann 3-0 i Uggedalen. Den gong hadde Norborg presset på seg sidan Blindheim hadde opna med 9 poeng på 3 kampar, medan Norborg berre stod med 4. Framfor fredagens møte så er rollene snudd. For det første tapte Blindheim sin første kamp medan Norborg vann, og for det andre så går denne kampen på Blindheim stadion med GRATIS inngang. Så her er det berre å ta turen til Blindheim sitt flotte anlegg med tribune under tak.
Les meir →

For første og siste gong før siste runde i oktober så spelast alle kampane i 4. divisjon samstundes. Her er kampane og litt synsing rundt dei:

Hareid – Valder
Heimelaget er spådd som den store dumpekandidaten i årets 4. divisjon, men overraska nær sagt alle då dei lenge hadde Bergsøy i kneståande. Det enda til slutt 3-3, noko vi vel å kalle eit bonuspoeng. Sjølv om Hareid kanskje er betre enn sitt rykte så trur vi Valder tek med seg tre poeng over Breidsundet. Dei har betra spelarstallen sin i vinter og hadde full kontroll på Hødd2 i serieopninga. Hareid er nok ikkje så naive i forsvarsspelet sitt som Hødd2, men vi seie bortesiger.

Hødd2 – Emblem
To lag som tapte serieopninga møtest på Høddvoll. Laget frå Ulsteinvik hadde ingen sjans til å ta Valder sist og tapte 4-2 (låg under 4-0) og med eit tøft program for 1. laget denne veka med cupkamp i dag (4-3 siger over Træff) og ny kamp søndag, så vil det nok ikkje nokon av dei som 16-17 beste spelaren i A-stallen til Hødd vere med. Kan då Emblem som beit godt frå seg mot eit antatt topplag som Volda greie poeng? Ja, vi trur dei greie å kjempe seg til ein uavgjort.

Larsnes/Gursken  – Bergsøy
Heimelaget signerte tre gode spelarar inn mot seriestart, men måtte sjå seg slått 2-1 borte mot Norborg/BIL2. L/G haldt eit høgt nivå før pause i den kampen, sjølv om dei sleit med å produsere sjansar. Divisjonsfavoritt Bergsøy kan få det tøft med å få med seg tre poeng. 3-3 mot Hareid i serieopninga gav nok fosnavågarane eit lite sjokk, og cupkamp mot AaFK (0-3 tap) i dag er ikkje den beste oppladinga. Likevel, vi trur Bergsøy si langt meir offensive kraft bikka kampen i ein bortesiger.

Volda – Rollon
Runda sin toppkamp spelast på Volda stadion. Volda sleit seg til 2-1 over Emblem sist, medan Rollon vann greit 3-1 over Ørsta. Stian Finnøy scora 14 mål på 15 kampar i fjor og haldt fram målteften med to mål i serieopninga. Volda har eit godt lag, men vi held Rollon som betre og gir dei eit knapt favorittstempel.

Ørsta – SIF/Hessa
Topp mot botn på tabellen, men her held vi botnlaget som favorittar. Ørsta hadde ein tøff bortekamp i serieopninga og tapte 3-1, men heime på Aurstad Arena blir dei favorittar mot eit SIF/Hessa som på si side vann 3-0 over Blindheim. Nils Ottar Sandø gjorde to mål i comebacket sitt, men er han med til Ørsta?  Sandø eller ei, vi trur Knut Erik Myklebust og co. tek sine tre første poeng.

Blindheim – Norborg/Brattvåg2, sjå eiga sak.

Nils Ottar Sandø (42) gjorde nok eit comeback og scora to av måla i SIF/Hessa sin 3-0 siger over Blindheim laurdag ettermiddag. SIF/Hessa troner dermed på tabelltoppen etter 1. serierunde.
Tabell

Bergsøy – Hareid 3-3
Valder – Hødd2 4-2
Emblem – Volda 1-2
Rollon – Ørsta 3-1

Hareid stod for kveldens overrasking då dei greidde poeng borte mot opprykksfavoritt Bergsøy. Faktisk leia Hareid både 0-2 og 2-3. Valder leika seg lenge med Hødd2 og leia på eit tidspunkt 4-0 før laget frå Ulsteinvik fekk pynte på resultatet. Dei to fremste opprykksutfordrarane til Bergsøy, Volda og Rollon, starta begge med siger. Desse to laga møtast i komande runde, medan Bergsøy skal ut i ein særs vanskeleg bortekamp mot Larsnes/Gursken. SIF/Hessa-Blindheim spelar først i morgon.

Norborg/Brattvåg2 – Larsnes/Gursken 2-1 (0-1)
4. divisjon, Uggedal KGB 25.04.2019

Sjansar: 5-4
Hjørnespark: 4-4

0-1 Sondre Bringsvor (35)
1-1 Magnus Austbø Seth (49)
2-1 Magnus Austbø Seth (90+2)

Heimelaget trakk til slutt det lengste strået i ein tett og lenge sjansefattig kamp i Uggedalen. Gjestane leia til pause då Sondre Bringsvor scora på omgangens einaste sjanse. Norborg starta og avslutta 2. omgang best og snudde kampen etter to mål av Magnus Austbø Seth. Larsnes/Gursken hadde eit par store sjansar mellom Norborg sine mål, men alt i alt så var det greit at Norborg til slutt stod igjen som vinnarar. Ikkje minst sidan ein vart snytt for eit soleklart straffespark sju minutt før slutt.

-Episk slutt på kampen. Vi er skikkeleg misfornøgd med det vi gjer i 1. omgang. Responsen frå spelargruppa i 2.omgang er fantastisk. Vi liknar meir på oss sjølve og gjennomfører ein god omgang. Når vi då avgjer kampen med ein innøvd variant to minutt på overtid så blir ikkje det betre, sa trenar Kristian Søviknes.
Les meir..

Torsdag kl. 1830 er det klart for serieopning når Larsnes/Gursken kjem på besøk til Uggedalen. Gjestane har henta inn spelarar i hytt og gevær den siste tida og held seg sjølve som klare favorittar i denne kampen. Steffen Moltu (Hødd), Bendik Torset (Nest-Sotra) og Christoffer Rekdal (lån frå Eik Tønsberg) har alle signert, i tillegg til nokre Hødd2 spelarar.

Norborg/Brattvåg2 har ikkje signert nokon denne veka, men skal likevel greie å mønstre eit bra lag. Per-Stian Alvestad og Marius Fylling Rogne er ikkje med grunna skader, medan Ruben Holmeset først kjem heim frå sjøen torsdag. Det gledelege er at dette var Ruben sin siste tur på sjøen fram til hausten 2020. Jonas Holmeset reise på sjøen i morgon for sin siste tur og er ikkje med før til hausten.

Vi trur det blir ein jamn kamp på Uggedal KGB, men vonar at heimelaget si angrepsrekke sikra tre poeng.

Siste seriemøter:
2017 Norborg – Larsnes/Gursken 1-5, 2-0
2016 Norborg – Larsnes/Gursken 0-1, 2-0
2015 Norborg – Larsnes/Gursken 3-0, 4-0

Totalt 2006-2017: 7-3-4 36-21

Dommar: Tor Ove Myrseth (FK Sykkylven)
Assistentar: Øyvind Kringstad (Valder) og Dagfinn Berg Tjervåg (Hasundgot)

Andre kampar (fredag):
Valder – Hødd2  U
Bergsøy – Hareid H
Emblem – Volda B
Rollon – Ørsta H
SIF/Hessa – Blindheim (laurdag) H

Denne veka startar endeleg 4. divisjon. Tolv lag stiller til start med håp om å innfri eller å overraske. Dei fleste peikar på Bergsøy som favoritt, med Rollon og Hødd2 som dei fremste utfordrarane. Norborg/Brattvåg2 blir spådd alt frå topp 4 til nedrykk. Spennande skal det i alle fall bli. Her kjem vårt tabelltips.
Les meir →