Norborg/Brattvåg2 tek tysdag imot Hareid i ein framskutt 11. runde kamp. Dei to laga får dermed ikkje suge lenge på den velsmakande karamellen frå sist runde då Norborg banka topplaget Volda, medan Hareid tok seg av botnlaget Blindheim.

Begge lag var inne i ei lita blindgate før sist kamp. Norborg stod med 2 poeng på dei 3 siste og sleit med det offensive spelet. Hareid hadde to strake tap og måtte ha siger for å halde følge med laga framfor på tabellen. Norborg er på 3. plass, Hareid på 11. plass, men sjølv om det skil mange plassar på tabellen er Hareid berre 6 poeng bak.

Norborg hadde ein del forfall sist, men reknar med at Kjell Terje Brusdal, Ådne Hellandsvik og Siver Davik er tilgjengelege no. Trenar Søviknes har dermed ein stor stall å velge frå.

Hareid er eit godt defensivt organisert lag som slepp inn langt færre mål enn dei andre laga på nedre halvdel, men offensivt går det ikkje på skinner. 11 scora mål på 9 kampar skremmer ingen. Det er det same antall mål som vår toppscorar Magnus Austbø Seth. På Hareid er det den tidlegare Hødd-spelaren Ruben Kenneth Brandal som er den største trusselen med 5 mål.

Det er ti år sidan Norborg og Hareid møttes i serien for første gong. Norborg vann 3-0 borte i april og følgte opp med 8-0 på Uggedal stadion 2. juli. Totalt har også Norborg eit godt tak på Hareid. På 14 kampar har Norborg vunne 9, Hareid 4, medan 1 har enda uavgjort. Målskilnad 31-22.

Vi ser på Norborg/Brattvåg2 som favorittar i denne kampen, men enkelt blir det ikkje. Vi trur ikkje Hareid er på Grytastranda for å underhalde så her vil vi nok igjen sjå ein motstandar som ligg på eigen halvdel for å vente på at heimelaget skal gjere feil. Så då er det opp til Norborg å finne nøkkelen for å opne opp.

Dommar: Jan Erik Bratteberg (Ørsta)
Assistentar: Øyvind Kringstad (Valder) og Anders Husøy (Valestrand Hjellvik)

Volda – Norborg/Brattvåg2 1-4 (0-2)
4. divisjon, Volda stadion, 21.06.2019

0-1 Fredrik Hurlen (30)
0-2 Tor Abelseth (38)
1-2 Stian Moe Finnøy (83)
1-3 Magnus Austbø Seth (85)
1-4 Magnus Austbø Seth (89)

Dei færraste såg vel føre seg at eit Norborg/Brattvåg2 utan A-lagsspelarar frå Brattvåg skulle greie å påføre Volda årets første tap, men unggutane frå Norborg og Brattvåg kjempa tappert, hadde marginane med seg og kunne reise lykkelege heim med 4-1 siger. Oransjetrøyene fauk dermed opp på 3. plass på tabellen.
Les meir..

Andre resultat:
Ørsta – Bergsøy 4-2 (Bergsøy sitt første tap for året)
Rollon – Emblem 5-2
Hødd2-Larsnes/Gursken 2-3
Valder -SIF/Hessa 4-4
Blindheim – Hareid 0-1

Norborg/Brattvåg2 tek fredag turen til Volda for å møte divisjonens beste lag. Volda har fått ein særs god start på sesongen med 7 sigrar og 1 uavgjort på dei 8 kampane.

Norborg/Brattvåg2 må gjere nokre endringar frå kampen mot Ørsta sist. Det gledelege er at ein får tilbake Nikolai Jensen frå karantene, men diverre kan ikkje Ådne Hellandsvik, Magnus Jenssen og Siver Davik spele.

Norborg og Volda har berre sporadisk møtt kvarandre opp gjennom åra, og statistikken er ikkje på Norborg si side. Totalt har det blitt 12 møter med 1 siger til Norborg tilbake i 1976, 7 sigrar til Volda og 4 uavgjorte. Målskilnad: 12-36. Heller ikkje bortekampen mot Volda2 enda spesielt godt. Då vann Volda2 med 2-0. Norborg kan altså reise til Volda utan favorittstempel og alt å vinne.

Dommar: Jan Erik Bratteberg (Ørsta)

Kampstart kl. 1900.

Norborg/Brattvåg2 måtte sjå Ørsta utlikne to gongar i fredagens kamp på Uggedal stadion. Anders Toven sendte Norborg i føringa før pause, medan  Magnus Austbø Seth gjorde 2-1. Begge måla vart satt inn med hovudet. Laga hadde kvar sin omgang og 2-2 var greitt i ein slapp kamp i sommervarmen.
Les meir..

Norborg sin kamp mot Ørsta vil bli vist direkte på smp.no fredag frå kl. 1825.

Norborg/Brattvåg2 tek imot Ørsta på Uggedal stadion fredag kl. 1830. Begge lag har vist ei nedadgåande formkurve i det siste og må vinne denne kampen. Norborg for å halde følge i toppen, Ørsta for å henge på laga over nedrykksstreken.

Heimelaget treng å finne tilbake til taktene ein viste i bortekampen mot Emblem då ein viste feiande flott fotball. I dei to siste kampane har det berre blitt eitt poeng mot dei fysisk sterke bylaga Rollon og SIF/Hessa. Ørsta på si side har ei frykteleg form med fire strake tap. Laget er dermed i nedrykksstriden med begge bein. Det var det få som såg føre seg før sesongstart.

Norborg har stort sett hatt eit godt tak på Ørsta. Det håper vi held fram fredag kveld.

Tropp er i skrivande stund ikkje klar, men Nikolai Jensen samlar på gule kort og står over.

Dommar: Daniel Refsnes (Herd)
Assistentar: Mariell Hatlelid Naustdal (Skodje) og Steinar Hjelle (Sunnylven)

SIF/Hessa – Norborg/Brattvåg2 3-1 (3-0)
Skarbøvik KGB, 06.06.2019

Sjansar: 9-7
Cornere: 2-4
Avslutninger på mål: 5-7
Avslutninger utanfor: 5-3
Blokkerte avslutninger: 2-2

1-0 Chris-Rune Pickard (4)
2-0 Chris-Rune Pickard (20)
3-0 Ole-Johan Lindgren (22)
3-1 Ådne Hellandsvik (52)

Det rutinerte og fysisk sterke heimelaget fekk kampen inn i sitt spor med eit tidleg leiarmål. Betre vart det ikkje for Norborg at det kom to kjappe i ein periode Norborg starta å skape sjansar. Med desse måla i fleisen gjekk Norborg ned i kneståande og fekk til lite inn mot pause. I starten av 2. omgang løfta Norborg seg og fekk også ei tidleg redusering, men nærmare kom ein ikkje i ein direkte svak kamp. På biletet ser vi Chris-Rune Pickard heade SIF i føringa.
Les meir..

Valder vann i kveld 3-0 over Blindheim og gjekk dermed opp til 3. plass på tabellen. Larsnes/Gursken tok sin første siger då dei vann 3-0 over SIF/Hessa.

Norborg/Brattvåg2 – Rollon 2-2 (1-0)
4. divisjon, Uggedal stadion, 29.05.2019

Sjansar: 4-9
Cornere: 2-5
Avslutningar på mål: 3-7
Avslutningar utanfor: 3-4
Blokkerte avslutningar: 2-1

1-0 Magnus Austbø Seth (40)
2-0 Magnus Austbø Seth (58)
2-1 Daniel Gjerde (60)
2-2 Andreas Blindheim (str. 66)

Magnus Austbø Seth trudde nok han hadde avgjort kampen då han sette inn 2-0 etter pause, men Rollon gav ikkje opp, scora to raske mål og var nærmast sigeren sjølv om mange hevdar heimelaget vart snytt for straffe på overtid då Per-Stian Alvestad vart dratt i bakken. Likevel, Norborg/Brattvåg2 skal vere nøgd med poenget i ein kamp ein ikkje greidde å fram finspelet. På biletet ser vi stopparkjempen Anders Giske Hagen, som vi føler har stått å heada ut ballen sidan Rollon vart stifta i 1914.
Les meir..

Onsdag kveld tek Norborg/Brattvåg2 imot Rollon på Uggedal stadion. Våre gutar har fått ein flott start på sesongen og er med i tetstriden når 5 runder er spelt. Rollon sin sesongstart har ikkje vore like velduftande. Til det har det blitt litt for mange poengdelingar for laget mange spådde som Bergsøy sin tøffaste utfordrar. Med berre 6 poeng så begynne laget frå Larsgården å få kniven på strupen. Likevel, vi reknar Rollon som den tøffaste nøtta å knekke i Uggedalen denne våren. Laget har mange rutinerte og gode spelarar som keeper Per Espen Thorsen, Anders Giske Hagen, Jonas Nordal og Daniel Gjerde. Det er berre eit tidsspørsmål før dei vaknar, men vi håper våre gutar kan gi dei eit lite mareritt før det skjer.

Norborg vil truleg stille med omtrent same mannskap som i sist kamp mot Emblem, men av dei som starta så vil Nikolai Jensen vere borte grunna jobb. Ruben Holmeset vil heller ikkje vere med, medan Magnus Jenssen risikerer å måtte stå over grunna skade. Kristoffer Søviknes vil vere tilgjengeleg etter å ha stått over grunna sjukdom sist.

Rollon er det laget Norborg har møtt flest gongar sidan tusenårsskiftet. Dei har også hatt eit godt tak på våre gutar og vi må tilbake til 2012 for å finne sist Norborg-siger. Totalt har laga møttest 22 gongar. Det har enda med 14 sigrar til Rollon, 5 til Norborg og 3 uavgjorte. Målskilnad 47-63.

Dommar: Martin Javier Solheim (Emblem)
Assistentar: Kristoffer Nevstad (Aksla) og Ole Petter Stenberg (Sunnylven)

Andre kampar:
Bergsøy – Emblem (onsdag) H
Larsnes/Gursken – SIF/Hessa (tor) H
Valder – Blindheim (tor) H
Hareid – Ørsta (fre) U
Hødd2 – Volda (mån) B

Emblem – Norborg/Brattvåg2 2-5 (1-3)
4. divisjon, Emblem stadion, 23.05.2019

Sjansar: 5-15
Cornere: 8-6

0-1 Magnus Austbø Seth (10)
1-1 Marcus Steffensen (27)
1-2 Ådne Hellandsvik (29) (video: Ådne scorer mot Emblem)
1-3 Magnus Austbø Seth (31)
1-4 Magnus Ansok Jenssen (57)
1-5 Magnus Ansok Jenssen (59)
2-5 Damian Alin-Constantin (73)

Heimelaget Emblem stod med tre strake sigrar, men Norborg/Brattvåg2 stoppa den sigersrekka og vann heile 5-2.  Norborg.com var ikkje på stadion, men skal få ein rapport frå trenaren i løpet av kvelden.

-Sterk bortekamp. Vi er solide defensivt, skaper mykje offensivt og vi gjer ein ny solid innsats over heile fjøla. Etter at vi bruker dei første 15-20 min på å bli vant til underlaget så er vi solide kampen ut. Sigeren er aldri trua etter at vi sett inn 3-1, sa trenar Kristian Søviknes etter kampen.
Les meir..