Emblem – Hareid 0-5
Hovdebygda – SIF/Hessa 1-3
Langevåg – Hødd2 1-5
Rollon – Bergsøy 1-0
Valder – Herd 0-3
Tabell:
Les meir
Larsnes/Gursken – Norborg/Brattvåg2 2-1 (2-0)
4. divisjon, Larsnes stadion, 19.08.2021
1-0 Frants Leine Mork (6)
2-0 Sondre Voksøy Bringsvor (18)
2-1 Igor Leonov (50)
Våre gutar gjekk på eit surt nederlag på Larsnes stadion. Etter to kostbare feil i opningskvarteret styrte Norborg/BIL2 det meste i resten av omgangen, likevel utan å skape det heilt store framfor mål. I starten av 2. omgang blir fleire sjansar skapt og Igor Leonov reduserer på ei heading etter legg av Per Kristian Søvik. Spelet bølga fram og tilbake dei siste tjue, men tre minutt på overtid er NB2 særs nær å få med seg eitt fortent poeng då Martin Koch skyt i tverra. Returen heada Fredrik Hurlen midt på keeper. Dermed eit surt tap.
Laget: Ronald Søvik Olsen – Per Kristian Grytten Søvik, Tobias Jensen, Thomas Eriksen Aarsund (Koch, 80), Jesper Vos – Eirik Koppen Vågnes, Ådne Hellandsvik, Igor Leonov, Ruben Grytten Holmeset (Stian Fjørtoft Klokk, 75) – Fredrik Klemetsen Hurlen, Martin Fylling Koch (Anders Toven, 60).
Norborg/Brattvåg2 tek torsdag turen til Larsnes stadion for å jakte nye poeng. Begge laga vann sin opningskamp. “Gulars” imponerte med 2-0 på Siffen etter mål av Jørn Olsen og tidlegare Hødd-spelar Preben Alexander Sætre. NB2 varierte i prestasjonane i 3-1 sigeren over Langevåg, og må opp eit par hakk om det skal bli poeng med tilbake til Haramshalvøya. Tropp er førebels ikkje klar.
Kampstart kl. 19.
Dommar: Jan Erik Bratteberg (Ørsta)
Assistentar: Elling Haddal Våge (Hasundgot) og Nikolai Morke Rogne (Ørsta)
Andre kampar:
Emblem – Hareid torsdag
Langevåg – Hødd2 fredag
Valder – Herd fredag
Hovdebygda – SIF/Hessa fredag
Rollon – Bergsøy fredag
Norborg/Brattvåg2 – Langevåg 3-1 (1-0)
4. divisjon, Uggedal stadion, 13.08.2021
1-0 Thomas Aarsund (44)
2-0 Martin Koch (52)
3-0 Thomas Aarsund (55)
3-1 Filip Dubicki (78)
Sjansar: 9-7
Cornere: 6-4
Avslutningar på mål: 5-7
Avslutningar utanfor: 9-6
Avslutningar blokkert: 4-1
Ein livleg Thomas Aarsund sørga for at Norborg/BIL2 tok tre viktige poeng i serieopninga mot Langevåg. Gjestane hadde i ein periode før pause sjansebonansa mot Norborg-målet utan å score før Aarsund minuttet før pause sette inn 1-0. Eit til då flatterande resultat, men det skulle motbevisast etter kvila. Då var heimelaget på hogget og styrte kampen totalt det første kvarteret. Martin Koch scora sitt første mål i 4. divisjon då han enkelt putta ballen i tomt mål etter forarbeid av Aarsund. Aarsund sjølv fekk ein like enkel jobb med å sette inn 3-0 etter at keeper gav retur på eit skot av Eirik Koppen Vågnes. Filip Dubicki reduserte dryge ti minutt før slutt, men Langevåg var ikkje i stand til å sette inn ein sluttspurt og truga dermed aldri dei tre poenga til dei oransje.
-Kjekt å kome i gong med tellande kamp igjen og vilja er nok betre enn kvaliteten. Vi ber nok preg av at det er lenge sidan sist og trengte ei stund på å finne rytme og kvalitet i det vi gjer. Vi får med oss ei leiing inn til pause noko som gir oss ein boost til 2. omgang då vi framstår med meir sjølvtillit og tryggleik. Eg er godt nøgd med gutane og tre velsmakande poeng i ein sesong då det er ekstra viktig å få ein god start sidan det berre er 11 kampar som skal spelast, seier trenar Kristian Søviknes.
Les meir
Fredag kl. 1830 er det endeleg klart for 4. divisjonsfotball i Uggedalen då “nyopprykka” Langevåg tek turen. Mykje har skjedd sidan ein slo Hareid 2-1 25. oktober 2019 og sikra 8. plass. Av dei 11 mest nytta spelarane i 2019 så står vi igjen med 4 spelarar til denne kampen. Kjell Terje Brusdal og Marius Rogne har lagt opp, Magnus Austbø Seth flytta til Trondheim hausten 2019 og har ikkje flytta tilbake, medan Ole Johan Urke har meldt overgong til Ravn.
Tor Abelseth spelte alle kampane i 2019, men er ute med skade. Gard Rogne, som spelte nest mest i 2019, er opptatt med 2. divisjonsfotball. Per Kristian Søvik må testast før kamp grunna ein skade. Dermed står vi igjen med følgjande fire spelarar: Ådne Hellandsvik, Fredrik Hurlen, Jesper Vos og Nikolai Jensen, som har flytta til Bergen for å studere, men blir med i denne kampen.
Spelarar som var delvis med i 2019, som vi får sjå meir til av i haust er Per-Kristian Helle Hildre, Thomas Aarsund og Eirik Vågnes. I tillegg så har det kome opp ein del unggutar som vil gjere seg bemerka, saman med ein profil i frå Grytastranda som tek på seg ei oransje trøye for første gong på fleire år…
Motstandar Langevåg vann 5. divisjon 2019 etter ein hard kamp mot Hovdebygda og FK Sykkylven. Laget gjekk heile sesongen utan heimetap og scora totalt 72 mål på 22 kampar. Simon Vågnes var toppscorar med 24 mål, men han har gått til Spjelkavik. Trenar Svein Arne Sunde seier til Sunnmørsposten av målet er å halde seg i divisjonen. Sunnmørsposten på si side tippar laget på 11. plass.
Sjølv om Brattvåg også spelar kamp denne dagen, så trur vi Norborg/Brattvåg2 er såpass sterke at Langevåg blir slått. Tips: H
Dommar: Martin Javier Solheim (Emblem)
Assistentar: Tor Ove Myrset (FK Sykkylven) og Jonny Dyb (Giske)
Andre kampar:
SIF/Hessa – Larsnes/Gursken 0-2
Hødd2 – Emblem Fredag
Bergsøy – Valder Fredag
Herd – Hovdebygda utsatt
Hareid – Rollon utsatt
Terminliste 2021:
Fredag 13.08 kl. 1830 Norborg/Brattvåg2 – Langevåg
Torsdag 19.08 kl. 1900 Larsnes/Gursken – Norborg/Brattvåg2
Fredag 27.08 kl. 1830 Norborg/Brattvåg2 – Hovdebygda
Fredag 03.09 kl. 1830 SIF/Hessa – Norborg/Brattvåg2
Fredag 10.09 kl. 1830 Norborg/Brattvåg2 – Herd
Fredag 17.09 kl. 1830 Norborg/Brattvåg2 – Hødd2
Fredag 24.09 kl. 1830 Hareid – Norborg/Brattvåg2
Fredag 01.10 kl. 1830 Norborg/Brattvåg2 – Bergsøy
Torsdag 07.10 kl. 1830 Valder – Norborg/Brattvåg2
Fredag 15.10 kl. 1830 Norborg/Brattvåg2 – Rollon
Fredag 22.10 kl. 1830 Emblem – Norborg/Brattvåg2
Norborg/Brattvåg2 har spelt to treningskampar etter opninga av breiddefotballen. Først vart det 6-4 siger over Emblem før det vart 2-1 tap for SIF/Hessa. Laget skal ut i fire kampar til før sesongstart i midten av august.
Onsdag 14. juli: Tomrefjord – Norborg/Brattvåg2 2-1 (0-1) Mål: Thomas Aarsund (30)
Fredag 16. juli Norborg/Brattvåg2 – Herd 2-3 (0-1) Mål: Per Kristian Helle Hildre (64), Magnus Austbø Seth (89)
Torsdag 29. juli Midsund – Norborg/Brattvåg2
Fredag 6. august Vestnes Varfjell – Norborg/Brattvåg2
Norborg/Brattvåg2 såg ut til å gå mot siger då ein leia 3-1 like før slutt, men romsdalingane gav seg ikkje, scora to raske, og kampen enda 3-3. Vi anar dermed eit lite romsdalskompleks for oransjetrøyene som tapte for både Åndalsnes, Tomrefjord, Vestnes Varfjell og Midsund i fjor.
Mål:
1-0 Ole Johan Urke (5)
1-1 ? (19)
2-1 Per Kristian Helle Hildre (42)
3-1 Per Kristian Helle Hildre (55)
3-2 ? (87)
3-3 ? (89)
Laget: Ronald Søvik Olsen (Sander Arntsen, 46), – Per Kristian Søvik, Tobias Jensen (Henrik Hurlen, 73), Nikolai Jensen, Anders Toven – Ole Johan Urke (Eirik Vågnes, 62), Gard Rogne, Ådne Hellandsvik (Vidar Nilsen Rogne. 82), Thomas Aarsund (Siver Davik, 62) – Fredrik Hurlen, Per Kristian Helle Hildre.
Komande treningskampar:
12.03 Norborg/BIL2 – Guard (OBOS-Cup)
14.03 Eide & Omegn – Norborg/BIL2
18.03 Norborg/BIL2 – Åndalsnes
26.03 Norborg/BIL2 – Vestnes Varfjell
26.03 Norborg/BIL2 – HaNo (OBOS-Cup)
01.04 Norborg/BIL2 – Valder
02.04 Norborg/BIL2 – Langevåg
Norborg/Brattvåg2 måtte sjå seg slått 4-3 av Hødd2 på Hareid KGB laurdag ettermiddag. Hødd2 la grunnlaget for sigeren med ein god 1. omgang og leia 2-0. NB2 var meir med etter pause, men langt frå det nivået ein viste mot Emblem, Herd og Lusitano. Fredrik Hurlen reduserte til 2-1 eit par minutt ut i 2. omgang, men Hødd2 auka raskt til 3-1. Per-Kristian Helle Hildre reduserte til 3-2 kvarteret før slutt, men Hødd2 svara raskt. Fedrik Hurlen reduserte på ny to minutt før slutt og var også åleine med keeper på overtid utan å lykkast. Dermed ein fortent 4-3 siger til Hødd2.
Laget: Ronald Søvik Olsen – Jonas Holmeset (PerKristian Grytten Søvik, 57), Tor Abelseth, Nikolai Jensen, Siver Davik, Eirik Vågnes (Ole Johan Urke, 57), Gard Rogne, Ruben Holmeset (Anders Toven, 57), Thomas Aarsund – Fredrik Hurlen, Ådne Hellandsvik (Per-Kristian Helle Hildre, 57).
