Norborg/Brattvåg2 og Martin Fylling Koch fann til slutt sigersoppskrifta og vann heile 5-1 over Emblem i kveldens 4. divisjonsoppgjer i Uggedalen. Etter ein særs keisam og mållaus 1. omgang vakna kampen verkeleg til liv etter pause. Emblem starta omgangen med å få straffe før 30 sekund var spelt. Daniel Stensøe sette den sikkert i nota til 0-1. Heimelaget tok så gradvis over banespelet og med to raske mål snudde Martin Fylling Koch kampen. Raskt gjekk det også for Emblem å sikre seg to raude tjue minutt før slutt. Med 9 mot 11 vart det sjølvsagt tøft for gjestane, men i minutta etter utvisningane yppa dei seg og vart snytt for straffe eit kvarter før slutt. Norborg fekk til slutt orden i rekkene og etter at ein Emblem spelar styrte eit innlegg frå Martin Koch i eige mål, var det ingen tvil kvar alle poenga skulle gå. Eirik Vågnes gjorde 4-1 etter innlegg frå Koch, før Koch sjølv sette inn sitt tredje etter eit 50 meters løp. Dermed 5-1 og tabelltopp fram til resten av runda blir spelt fredag.
Kampreferat

Bergsøy – Norborg/Brattvåg2 1-1 (0-1)
4. divisjon, Havila stadion, 22.04.2022

0-1 Eirik Koppen Vågnes (21)
1-1 Sjølvmål (53)

På sitt sjuande forsøk tok Norborg endeleg sitt første bortepoeng mot Bergsøy då ein haldt bylaget til 1-1. Heimelaget hadde banespelet stort sett i 90 minutt, men greidde aldri å finne vegen til nettmaskene. Det var nemleg Norborg som scora begge måla. Eirik Koppen Vågnes ga oransjetrøyene leiinga midtvegs i 1. omgang, medan Tobias Jensen var uheldig å sette ballen i eige mål kort tid etter pause.

Laget: Ronald Søvik Olsen (Sander Arntsen, 65) – Stian Fjørtoft Klokk (Ådne Hellandsvik, 60), Tor Abelseth, Anders Toven, Jesper Vos – Igor Leonovs, Tobias Jensen, Eirik Koppen Vågnes (Klokk, 89) – Thomas Eriksen Aarsund, Magnus Otterlei, Martin Fylling Koch.

Norborg/Brattvåg2 – Rollon 2-0 (1-0)
Uggedal KGB, 21.03.2022

1-0 Martin Fylling Koch (26)
2-0 Eirik Koppen Vågnes (71)

Norborg/BIL2 vann 2-0 over 4. divisjonskollega Rollon og vann dermed gruppa si i OBOS-cup med tre strake sigrar (ein av dei på walk-over). Rollon hadde ballen mest, men heimelaget var aggressive og ville mest i denne kampen. Martin Fylling Koch scora sitt 6 mål på 2 kampar i denne fotballmessige langhelga for dei oransje. Eirik Vågnes fastsette sluttresultatet med si scoring tjue minutt før slutt.

Laget: Ronald Søvik Olsen – Tobias Flem Hellem, Tor Juul Abelseth, Anders Toven, Stian Fjørtoft Klokk – Igor Leonovs, Tobias Jensen, Eirik Koppen Vågnes – Magnus Otterlei, Thomas Eriksen Aarsund, Martin Fylling Koch. Innbytarar: Sander Skår Arntsen, Jesper Vos, Henrik Otterlei Hurlen og Lars Alvestad Mikalsen.
Tabell

Norborg/Brattvåg2 – Blindheim 8-3 (2-2)
Uggedal KGB, 18.03.2022

1-0 Thomas Eriksen Aarsund (16)
1-1 Johannes Hanken Tjøstheim (26)
1-2 Tjøstheim (27)
2-2 Martin Fylling Koch (45)
3-2 Koch (49)
4-2 Magnus Otterlei (53)
4-3 Noah Ekroll Solberg (55)
5-3 Aarsund (60)
6-3 Koch (65)
7-3 Koch (70)
8-3 Koch (80)

Norborg/Brattvåg2 gjorde ein fenomenal 2. omgang og knuste Blindheim 8-3 i OBOS-cup på Uggedal KGB fredag kveld. Martin Fylling Koch vart kampen sin store spelar med heile 5 mål. Samarbeidslaget skal allereie på måndag ut i ny OBOS-kamp. Då ventar Rollon i Uggedalen kl. 1830.

Laget: Ronald Søvik Olsen – Tobias Flem Hellem, Tor Juul Abelseth, Anders Toven, Stian Fjørtoft Klokk, Igor Leonovs, Tobias Jensen, Eirik Koppen Vågnes, Thomas Eriksen Aarsund, Magnus Otterlei, Martin Fylling Koch. Innbytarar: Jesper Vos, Henrik Otterlei Hurlen og Lars Alvestad Mikalsen.
OBOS Cup Menn Nivå A

Thomas Aarsund og Eirik Vågnes vart toppscorarar for Norborg/Brattvåg2 i årets 4. divisjon med tre mål kvar. David Sissoko vart assistkongen med 3 målgjevande på dei 4 kampane han var med.

Eirik Koppen Vågnes fekk mest speletid i 4. divisjon for Norborg/Brattvåg2. Han starta samtlege 11 kampar og fekk totalt 966 minutt av totalt 990. Martin Fylling Koch fekk også speletid i samtlege kampar, men må sjå seg slått av Igor Leonov og Tobias Jensen i total speletid. Totalt fekk 28 spelarar speletid.

Norborg-supportarane måtte på bortekamp for å sjå brorparten av sigrane i årets sesong. Heile 7 av 10 poeng kom på bortebane. Forklaringa er såpass enkel som at ein med enkel serie møtte divisjonens beste lag på heimebane, medan ein møtte dei andre botnlaga på bortebane. Unntaket var Langevåg, som ein vann 3-1 over i Uggedalen i serieopninga.

Tabell 4. divisjon med Norborg sine resultat i parentes:
1. Hødd2 (1-4 tap heime i Uggedalen)
2. Herd (1-5 tap heime i Uggedalen)
3. Rollon (0-5 tap heime i Uggedalen)
4. Hovdebygda (3-5 tap heime i Uggedalen)
5. SIF/Hessa (5-0 tap på Siffen)
6. Bergsøy (0-8 tap i Uggedalen)
7. Larsnes/Gursken (2-1 tap på Larsnes)
8. Langevåg (3-1 siger i Uggedalen)
9. Emblem (2-2 på Ebbemyra)
10. Norborg/Brattvåg2
11. Hareid (1-2 siger på Hareidmyrane)
12. Valder (1-4 siger på Valdervoll)

Valder må ta den tunge turen ned til 5. divisjon etter å ha tapt 1-3 for Hareid i siste serierunde. Hareid klatra dermed over Valder på betre målskilnad og må vente i spenning på om det blir spel i 4. divisjon komande sesong. Det skjer om krinsmeister Hødd2 slår vinnaren av 4. divisjon Nordmøre/Romsdal. Motstandar blir enten Tomrefjord eller Kristiansund2.

Vi gratulerer Hødd2 som vinnar av 4. divisjon Sunnmøre, samt Ørsta og Blindheim med opprykk frå 5. divisjon.

Tabell 4. divisjon.

Emblem – Norborg/Brattvåg2 2-2 (0-0)
4. divisjon, Ebbemyra, 22.10.2021

0-1 Magnus Otterlei (47)
1-1 Marcus Steffensen (51)
1-2 Tobias Jensen (80)
2-2 Alexandru Ionut Barboiu (str. 94)

Utgangspunktet for både Emblem og Norborg/Brattvåg2 var før kamp at eitt poeng var nok til ståplass i 4. divisjon. Det var vel då inga oddsbombe at kampen enda med 2-2 og eitt poeng til begge lag. Ingen av laga ofra alt offensivt og det stod mållaust til pause. Norborg ville nok hakket meir enn heimelaget og skapte mest framfor mål. Det var dermed greit at Magnus Otterlei sende oransjetrøyene i føringa to minutt etter pause. Gleda varte likevel ikkje lenge for Marcus Steffensen utlikna få minutt etter. Norborg tok på nytt føringa på eit dribleshow av dei sjeldne då Tobias Jensen runda 8 mann og sette ballen i nota ti minutt før slutt. Fire minutt på overtid utliknar Alexandru Barboiu på det som Norborg-leiren sa var ei billeg straffe. – Sjølv om vi er glade for poeng og ståplass så er spelarane er litt skuffa etter denne kampen. Vi skaper mest, og har truleg også eit par baller til over streken som det ikkje blir dømd mål på. Surt at det blir utlikning på overtid, men uansett, vi greidde det viktigste, å stå i divisjonen, sa trenar Kristian Søviknes.

Laget: Sander Arntsen – Tobias Jensen (Jesper Vos, 81), Nikolai Jensen, Tor Abelseth, Henrik Hurlen (Ådne Hellandsvik, 58) – Thomas Aarsund, Ulrik Havnsund, Igor Leonov, Martin Koch – Eirik Vågnes (Stian Fjørtoft Klokk, 88), Magnus Otterlei.

Norborg/Brattvåg2 måtte nok ein gong slå seg slått på heimebane med store siffer då Rollon gjesta Uggedalen, men resultata i dei andre kampane i 4. divisjon gjekk rett veg slik at alt er opp til ein sjølve før siste seriekamp borte mot Emblem på fredag. I kampen mot Rollon fekk vi sjå eit heimelag som låg i forsvar stort sett gjennom heile kampen mot eit godt bortelag. Eit par langskot av Daniel Gjerde og Jonas Nordal det første kvarteret ga Rollon 2-målsleiing til pause. I 2. omgang auka Tobias Fjørtoft, Andreas Blindheim og Jon Kristian Røsok leiinga til gjestane. Dermed 0-5, og tre fortente poeng til Rollon.
Les meir..