Onsdag inviterte Norborg til “fotballen sin kveld” i Uggedalen. Det vart nemleg spelt heile tre kampar denne kvelden. A-laget tok imot Valder på grasbana, medan Jenter 10 tok imot Brattvåg og Jenter 14 tok imot Hareid. I J14 kampen låg Norborg under 1-4, men snudde til 5-4 siger og har med det vunne 2 av 3 kampar.

Bilete frå Jenter 14 Norborg – Hareid.
Bilete frå Jenter 10 Norborg – Brattvåg.
Bilete frå herrekampen Norborg – Valder.

Brattvåg/Norborg/Harøy tapte 5-2 i kveldens bortekamp mot Herd. Tjue sekund tok det før Herd tok leiinga. Ei leiing dei dobla 26 minutt seinare før BNH vakna å scora to mål på fem minutt ved Per Kristian Helle Hildre og Nikolai Ellingsæter. Herd tok igjen føringa før pause og hadde kontroll på kampen i 2. omgang.

Brattvåg/Norborg/Harøy vann 3-2 over FK Sykkylven/SIL på Brattvåg Stadion måndag kveld og går inn i mai på toppen av 1. divisjon. Per Kristian Grytten Søvik ga BNH leiinga allereie i det 3. minutt, men gjestane kom sterkt tilbake og snudde til 1-2 før pause. Per Kristian Helle Hildre utlikna tidleg i 2. omgang då han snappa opp ei pasning frå keeper å trilla ballen i opent mål. Magnus Otterlei sikra sigeren like etter sin debut på juniorlaget då han banka inn Hildre sitt innlegg. Samarbeidslaget har dermed vunne begge sine kampar og får kose seg på toppen av tabellen.

Laget: Sander Arntsen – Anders Finnøy, Tobias Jensen, Alexander Otterlei, Nikolai Ellingsæter, Per Kristian Grytten Søvik, Siver Davik, Eirik Vågnes, Johan Lie, Per Kristian Helle Hildre, Daniel Forsland. Innbyttarar: Robin Bergtun, Eirik Valaker Røren, Adrian Bjørlykke, Thomas Haugen, Johan Rosvik, Magnus Otterlei og Martin Koch.

Oppe frå venstre: Benjamin, Sanjai, Nickolas, Felix. Nede frå venstre: Fredrik, Thomas, Filip, Alexander og keeper Lukasz

Søndag tok gutane på G9 turen til Herd stadion for å spele sin aller første seriekamp. Det vart ein jamn kamp, men Norborg-gutane var best og tok ein 7-6 siger med heim. Trenar Tarjei Urkedal var godt nøgd med både innsats og spel.

Før A-kampen på torsdag hadde Norborg fotballtrening for ca. 70 barn. Treninga vart leia av juniorane Eirik Valaker Røren, Richard Anderson, Anders Finnøy og Thomas Haugen. Ungane hadde det kjekt både under og etter trening og der dei fekk servert frukt og pølse med brød, samt utlevert Norborg drikkeflaske.

Brattvåg/Norborg/Harøy vann serieopninga med 5-1 borte mot Langevåg. Per Kristian Helle Hildre sørga for 2-0 leiing ved pause. Han fortsette scoringsshowet sitt etter kvila med to nye mål før heimelaget reduserte. Sander Tharaldsen fastsette sluttresultatet til 5-1.

Tidlegare i vinter inviterte Norborg alle 6-åringar ved Grytastranda Montessoriskule og Søvik skule til trening, og i går var dagen komen då dei hadde si første trening. Tretten ivrige gutar og jenter vart ønska velkomen av yngres leiar Tarjei Gjerset Urkedal, og hadde ei kjekk fotballøkt saman med han.

Norborg sin fotballskule blir i år haldt i veke 27 (1. til 5. juli) på Uggedal KGB.

ALDER 7-14 ÅR

Leiar for fotballskulen blir Matias Mork Vateødegård, samt instruktørar frå Juniorlaget.

Matias (21) kjem frå Vatne og studerer til dagleg i Volda. Han har spelt på Norborg sitt A-lag og er ein særs teknisk spelar med god speleforståing. Så her er det berre å melde på den håpefulle for fotballundervisning og fotball leik av øvste klasse.

PÅMELDINGSFRIST 5. JUNI 2019.

Plassen er sikra når betaling er registrert. Betalingsfrist: 12. juni 2019.

Klubbhuset vil vere opent frå kl. 08.00 – 15.00 med leiarar til stades.

Pris kr 1.000,- inkludert lunsj og fruktmåltid.

Pris for søsken (barn nr. 2, 3 -) er kr 750,-. pr. barn.

Betaling til kontonr.: 3910.43.08744

Påmelding til norborg.fotball@norborg.com

Brattvåg/Norborg/Harøy gjekk på ein smell mot Ørskog og tapte heile 5-0 (1-0) i den siste av “kvalifiseringskampane” for spel i 1. divisjon. B/N/H vart dermed nr. 3 av dei 4 laga i gruppa. Langevåg vann gruppa med Ørskog på 2. plass og Blindheim på sisteplass. På grunn av få påmeldte lag er alle kvalifisert for 1. divisjon.

Laget: Robin Bergtun, Fredrik Rogne, Alexander Otterlei, Martin Witsø, Daniel Forsland, Adrian Bjørlykke, Tobias Jensen, Eirik Vågnes, Marius Otterlei, Per Kristian Helle Hildre, Igor Pekarskiy.
Innbyttarar: Anders Finnøy, Erling Otterlei, Eirik Valaker, Richard Andersson, Thomas Haugen.

Brattvåg/Norborg/Harøy vann 4-2 over Blindheim i dagens “kvalifiseringskamp” for 1. divisjon. Etter ein svak start og 0-2 i sekken vakna våre gutar og snudde til siger etter tre mål av Per-Kristian Helle Hildre og eitt av Alexander Otterlei.