Fotballåret 2002 frå A til Å
Alkohol – det mest diskuterte ordet på innleggssida etter at enkelte spelarar gjekk på fest kvelden før 8-delsfinalen mot Skarbøvik i inne-KM.
Brannskade – Morten Kalvø vart utsatt for brannskadar etter ein dugnad rett før seriestart, og mista dei to første serierundane.
Campingvogn – Gryta Bang Gang (GBG) kjøpte campingvogn, pussa ho opp, måla den oransje og vakte mykje oppsikt på turen til øyacup på Harøya.
Damelaget – Norborg stilte med damelag for første gang, og dei vann til slutt tre kamper
Elendig – Norborg si sesonginnleiing var elendig med to tap etter tre serierundar.
Fazza – skapte store overskrifter når han meldte overgang til Brattvåg midt i sesongen.
Geir Roar Gamlem – haldt buret reint for MSIL, og påførte Norborg haustens einaste tap. Etter sesongen meldte han overgang tilbake til Norborg.
Helge Uggedal – tiltrådde som assistenttrenar på hausten.
Internett – Norborg si heimeside www.norborg.com opplevde ein enorm oppsving gjennom sesongen. Frå 150 treff i veka i januar, enda man med over 900 i veka i desember.
Juniorlaget – debuterte i serien, og vart best i Haram.
Kake – supporterane med Siv Kjærstad i spissen overraska spelarar og trenarar med kake etter at opprykk og KM-tittelen vart sikra.
Lennart Fylling – einaste ikkje-norborgaren som fekk målet sitt på norborg.com.
Militæret – 7 spelarar var innom militæret i løpet av sesongen 2002.
Naken – herrespelarane hamna på strippeshow og fekk etterkvart sjå ein av sine egne strippe
Opprykk – Det var spådd, det var forventa og det vart ein realitet. Norborg er i 2003 tilbake i 4.divisjon for første gang sidan 1982.
Påska – treningsleiren til Aars i Danmark vart ein stor suksess både sportsleg og sosialt.
Quizen – vart vunne av Eyvind York, Norborg sitt kloke hovud
Ringen – Roger la ut ein ring på norborg.com som litt overraskande skapte mykje harme blant lesarane før Frode kasta den i Mount Doom.
Stein Gisle Alvestad – takka for seg etter å ha hjelpt Norborg frå botn i 6.divisjon til 4.divisjon på tre år.
Toppskårar – Kim Idar Krogsethagen vart suveren toppskårar i 5.divisjon med 27 fulltreffarar.
Uheldig – først brente Geir Ove “Chippen” Tennfjord ei straffe på forunderleg vis på ein juniorkamp, og etterpå hadde han ilag med Gustavo ein kamp for lite til KM-tittelen.
Video – Roger lovde og lovde. Sesongfilmen skulle kome tidleg i haust, men vi ventar stadig…..
Wold, Stig – skåra årets mål heime mot MSIL/LIL2 etter eit raid frå egen halvdel.
X, romartal 10 – så mange kampar spelte Norborg på rad utan å tape.
Ytringsfridom – på innleggssida hos norborg.com får absolutt alle komme med meir eller mindre fornuftige ytringar. Ikkje eit einaste innlegg har blitt sletta i haust.
Zero – ein person under pseudonymet zero skapte mykje debatt og harme på innleggssida på norborg.com før seriestart. Men kven var han?
Ære – Norborg hadde den æra å bli det første laget på Sunnmøre som vann over Bergsøy denne sesongen.
Øyacup – Norborg følgde tradisjonen. Sportsleg fiasko, men suveren vinnar av festen med ei oransje campingvogn i sentrum.
Åndsverklova fekk sitt inntog på norborg.com etter eit lesarinnlegg i Sunnmørsposten 21.desember.
