Norborg – Tomrefjord/Fiksdal/Rekdal 3-2 (2-1)
Sunnmørshallen, 08.02.03
9 sjansar 8
6 hjørnespark 5
1 1
1-0 Kim Idar Krogsethagen (27)
2-0 Eirik York (42)
2-1 Thomas Kirkeslett (45)
3-1 Kim Idar Krogsethagen (46)
3-2 Peder Ringsby (81)
Gult: Kenneth Vegsund (67)
Dommar: Per-Ola Utgård, Hundeidvik
Laget: Geir Roar Gamlem – Steffen Grytten (Jan Even Drønnesund, 63), Kenneth Vegsund, Knut Ivar Bjørlykhaug, Stig Wold – Gustavo (Daniel Brusdal, 78), Eirik York (Tarjei Urkedal, 71), Stein Erik Reitan, Alexander Gamlem (Amund Terøy, 78) – Kim Idar Krogsethagen (Kurt Erik Grytten, 84), Christopher Urkedal (Geir Ove Tennfjord, 63)
Norborg viste at ein har breidde i stallen når ein slo TIL/Fiks/Rek ut av vintercupen laurdag kveld. Norborg gjorde ein brukbar 1. omgang og leia fortent. I 2. omgang var romsdals-laget best, og kampen kunne fort ha gått til straffesparkkonkurranse. Men Norborg reid stormen av og er klar for semifinale.
Mange ute
Norborg hadde mange spelarar ute i denne kampen. Morten Kalvø, Christian Søvik, Kristian Søviknes, Jan Vatnehol og Geir Ove Grønli var nokre av spelarane som miste denne 2. rundekampen. Likevel stilte ein med eit brukbart lag, og med semifinalen innafor rekkevidde.
Svak opning
TFR hadde ballen mest det første kvarteret, men greidde ikkje å skape farlege situasjonar framfor Geir Roar Gamlem i Norborg-målet. Det einaste som kom var nokre innlegg frå kant, som Norborg hadde få problem med å klarere. I det offensive spelet opna Norborg nølande, med dårleg pasningskvalitet, lite rørsle og mange feilval.
Sjølv om Norborg starta dårleg var det likevel oransjetrøyene som skapte den første skikkelege sjansen. Norborg fekk frispark 10-12 meter utafor 16meteren. Stein Erik Reitan la ballen inn i feltet der Gustavo styrte ballen like over mål. Ein situasjon som fort kunne ha ført til mål. Like etter var Kim Idar Krogsethagen frampå med eit skot frå god posisjon, men avslutninga var ikkje stort farlegare enn eit tilbakespel.
Målkongen viser seg
Norborg starta no å ta kontroll over kampen, og 1-0 målet lot ikkje vente lenge. Etter vel 27 minutt fekk Norborg frispark omtrent midt på eigen banehalvdel. Steffen Grytten tok eit kort frispark til Kenneth Vegsund, som avanserte framover på venstresida, slo fram til Gustavo. Han finter seg inn mot 16meteren og legg ballen over til Kim Idar, som dempar ballen på brystet og sette den kaldt i nettet. 1-0 av Sunnmøre sin målkonge nr. 1.
Brasiliansk angrep
Norborg har no ballen mest og når halvtimen passera får ein til eit herleg angrep med Gustavo og Stein Erik i hovudrollene. Dei spelar seg fram på venstresida med fine kombinasjonar. Gustavo kjem seg ned til kortlinja og legg 45 grader ut til Alexander Gamlem som avsluttar utafor. Neste målsjanse er det gultrøyene frå Romsdal som får. TILs høgrekant får nærast fri veg til 16meteren, men blir pressa utover av Steffen når han skal avslutte og skotet går dermed utafor.
York-slegga
Nokre minutt før pause slår Steffen ballen mot 16meteren. Kim Idar når ikkje tak i den, men heldigvis står Eirik York klar med venstreslegga bak han og dunkar ballen i mål. Ei avsluttning av høg kvalitet, og dermed fortent 2-0. Like etter får Gustavo ein sjanse på hovudet etter eit hjørnespark, men frå 5 meters hald headar han utafor. I staden er det TFR som får ein siste sjanse i 1. omgang på ein corner. Thomas Kirkeslett får beina ballen i mål frå 7-8 meter og reduseringa er eit faktum. Dette var første gangen sidan 2001 at Norborg slapp inn mål på ein corner. Målet burde ha vore unngått hadde ikkje stolpevakt Steffen forlatt posten sin.
Norborg spelte ein dårleg første halvdel av 1. omgang, der feilpasningane florerte og speleforståelsen var på eit lavpunkt. Etterkvart fekk ein meir flyt over spelet å starta å skape målsjansar og fekk også to mål. Alt i alt ein godkjent omgang av det nykomponerte laget der ein viste at ein var hakket betre enn TFR, og at breidda i laget er stor. Leiinga burde nok ha vore større en det eine målet.
Tidleg Kim mål
Andre omgang hadde knapt nok starta då Kim Idar fann seg sjølv aleine med keeper, og i desse situasjonane har han slutta å misse. Han rundar fint keeper og sette ballen sikkert i det tomme målet. 3-1, og det går mot ein komfortabel siger tenkte mange. Men slik skulle det ikkje gå. TFR ga seg ikkje og svarte med ei heading i tverrliggar etter ein corner. Mål vart det ikkje, og Norborg kontrar ved Alexander Gamlem, men aleine med keeper sette han ballen rett på beina til keeperen. Slike situasjonar bør gi mål.
Grytten og Bjørlykhaug hindrar mål
Berre eit par minutt etterpå får TFR corner igjen. Ballen blir slått inn i feltet og ein TFR angripar får avslutta med eit skot mot lengste stolpe. Der står stolpevakt Steffen og reddar på streken. Klareringa er likevel ikkje av det beste og ein TFR spelar får til ei heading frå 8 meter, men då er Geir Roar på plass å redda. TFR beheld presset og ti minutt ut i omgangen er det berre ei god blokkering av Knut Ivar Bjørlykhaug som hindrar mål.
Fortent TFR redusering
Norborg kjem seg etter denne perioden med TFR press til hektene og får flytta laget opp på bana. Oransjetrøyene ser ut til å ha kontroll då TFR igjen sette inn eit press det siste kvarteret. Jonny Slemmen får til ei avslutning frå farleg posisjon, men Geir Roar er frampå med ei god redning. Ti minutt før slutt får TFR ei velfortent redusering. Peder Ringsby fintar vekk ein sliten Stig Wold og avsluttar med eit velplassert skot i mål.
Norborg tek avspark og går direkte i angrep. Kim Idar kjem seg til ein god posisjon, men skotet hans blir redda av keeper. Dei siste minutta er det lite som skjer. Norborg legg seg bakpå og får etter lettare paniske situasjonar hindra TFR sine spede forsøk. Etter 4 minutts tillegg blåste dommaren av kampen og eit slitent Norborg-lag kunne juble for ein plass i semifinalen.
Har meir å gå på
Norborg gjorde ingen imponerande kamp. Prestasjonane var variable og ein del av spelarane treng tydeleg kamptrening, men ein vann på ein litt dårleg dag og det er et viktigaste. På Norborg framhevar vi midtstopparane, alltid arbeidsame og talentfulle Stein Erik, Alexander for gode initiativ på høgrekant, samt Kim Idar for sine to mål.
– Vi gjorde ein bra 1. omgang, men var svak dei siste 20. minutta, sa trenar Sindre Hildre etter kampen. – Vi har no 15-16 mann på trening, og det er bra med tanke på kor mange som er vekke på grunn av militæret, skule og skader. Vi er i rute, avslutta trenaren.
Kva så med TFR? Romsdalingane ser ut til å ha eit ungt og brukbart lag på gang. Om det er bra nok til å overleve i 4. divisjon Nordmøre/Romsdal veit ikkje vi, men laget er nok eit par tre hakk dårlegare enn Norborg når begge har fullt lag.
Norborg møter vinnaren av Vigra – Ellingsøy i semifinalen.
