Norborg – Godøy 7-1 (5-1)
Sunnmørsposten Cup 1. runde, Uggedal KGB, 25.02.2024
0-1 Simen Støbakk Valkvæ (str. 0)
1-1 Anders Toven (12)
2-1 Robert Dulgheru (str. 17)
3-1 Robert Dulgheru (18)
4-1 Sjølvmål (39)
5-1 Robert Dulgheru (43)
6-1 Marius Dulgheru (56)
7-1 Kristoffer Søviknes (70)
Etter is i rubben i ein treningskamp mot HaNo for ei drøy veke sidan, så var det god glid i Sunnmørsposten Cup-kampen mot Godøy i Uggedalen søndag kveld. Sidan Godøy spelar ein divisjon under Norborg så starta dei kampen med eit straffespark som vart sett i mål av Simen Støbakk Valkvæ. Deretter var det berre Norborg som ikkje gav seg før det stod 7-1. Anders Toven utlikna dryge ti minutt ut i kampen før Robert Dulgheru presenterte seg. Først sette han inn 2-1 på straffespark etter at Kristoffer Søviknes vart felt. Så scora han på eit skot frå 18 meter. I sluttminutta av 1. omgang var først ein Godøy-spelar uheldig å sette ballen i eige mål på corner for Dulgheru sette inn sitt tredje for dagen. Dermed 5-1 til pause. 2. omgang vart langt rolegare, men far Marius Dulgheru gjorde 6-1 før Kristoffer Søviknes fastsette sluttresultatet til 7-1 på ei klassescoring der han tok ned ballen på brystet og klinka den i lengste. Dette var for øvreg Norborg sin største siger over Godøy nokon sinne i dei 52 offisielle kampane ein har hatt mot dei sidan det første møtet i 1971. Norborg møter Sula i neste runde, også det eit lag som spelar i 6. divisjon.
Laget: Ronald Søvik Olsen – William Grytten, Peder Søvik, Anders Toven, Markus Søvik Gunnarsson – Nicholas Kvammen, Niklas Rekdal, Adrian Andrukiewicz – Robert Dulgheru, Kristoffer Søviknes, Marius Dulgheru.
Innbyttere: Ole Enger Willumsen, Torgeir Vik, Andreas Beite, Sebastian Vågø.
