Vestnes Varfjell – Norborg 3-2 (1-1)
Vestnes Idrettspark, 02.04.09
6 sjanser 11
5 cornere 5
1-0 Vegard Ellingseter(10)
1-1 Tarjei Urkedal (21)
1-2 Tarjei Urkedal (75)
2-2 Simen Brennvik (76)
3-2 Simen Brennvik (87)
Laget: Geir Roar Gamlem – Stein Erik Reitan, Elling Mikal Kalvø, Kjell-Terje Brusdal, Kristian Furnes (Jan Even Drønnesund, 72) – Ole Johan Urke (Johan Stavik, 58), Kristian Søviknes (Kristoffer Søviknes, 58), Adrian Håbet, Steffen Grytten, Skjalg Volstad (Geir Ove Grønli, 64) – Tarjei Urkedal.
Norborg skapte dei fleste sjansane i Vestnes Idrettspark torsdag kveld, men eit effektivt heimelag drog i land sigeren.
Kampen starta på verst tenkelege måte for Norborg då heimelaget scora på sin første sjanse ved Vegard Ellingseter. Norborg rista fort av seg dette og styrte resten av omgangen. Tarjei Urkedal trivst alltid mot Varfjell, og berre to minutt etter leiarmålet var han nær å utlikne, men han banka Steffen Grytten sitt gode innlegg over mål. På sin andre sjanse skulle han lykkast. Kristian Furnes slår ein lang ball i bakrom, Tarjei jaktar ballen, vinn duellen med ein Varfjell-stoppar og sette ballen inne ved stolpen. Litt flaks, men samstundes eit typisk Tarjei-mål. Norborg hadde fleire sjansar til å ta leiinga før pause, men ballen ville ikkje inn.
Norborg var kompakte defensivt og fekk meir tid med ball enn i sist kamp mot Herd. Ein burde og skulle ha leia ved pause.
2. omgang vart langt meir open enn første med store sjansar til begge lag. Ein måtte likevel vente til eit kvarter før slutt på måla. Først tok Norborg leiinga då Tarjei Urkedal og Adrian Håbet viste flott samspel og Tarjei får satt ballen i mål frå kloss hald. Gleda varer likevel ikkje lenge for oransjetrøyene. Minuttet etter får Varfjell frispark. Ballen vert slått hardt og presist inn på hovudet til Simen Brennvik. Ungguten gjer ingen feil og headar kontant i nota. Målet burde imidlertid ha blitt avvinka for offside. Like før slutt blir same mann spelt igjennom og putter ballen i mål åleine med keeper. Bittert for Norborg, som var det beste laget mellom 16 meterane denne gong. Likevel, forma ser ut til å vere på veg.
På notisblokka:
10 min: 1-0. VV scora på kampens første sjanse. Vegard Ellingseter sette ballen til side for keeper.
12 min: Tarjei banker eit innlegg frå Steffen like over mål.
21 min: 1-1. Tarjei vinn eit Furnes-oppspel og får til slutt sett ballen i mål.
23 min: Urke skyt frå 18 meter. Ballen skrur seg utanfor.
37 min: Elling headar Snes-corner over frå 5 meters hald.
45 min: Urke headar reitan-corner like over.
57 min: VV skot frå 17 meter. Geir roar reddar til corner.
65 min: Kriss lurer back og lobber over keeper, men ballen går til side for mål.
73 min: Elling header frispark rett på keeper.
75 min: 1-2. Endeleg lykkast Norborg igjen. Adrian headar ned til Tarjei som får satt ballen i mål.
76 min: 2-2. Brennvik headar frispark i mål.
77 min: Norborg nær ved å slå umiddelbart tilbake, men Tarjei sitt skot frå 15 meter går lite utafor.
84 min: Passivt og naivt defensivt arbeid av Norborg då ein VV-spelar får springe 50m med ball. Avsluttar stolpe ut åleine med keeper.
85 min: Langt utspel av Geir Roar. Kriss stussar til Johan som spelar direkte i bakrom til Kriss, men mål blir det ikkje. Likevel, steike flott spel.
86 min: Adrian rundt på høgre og slår flatt inn. VV får så vidt avklart til corner.
87 min: 3-2. Norborg får ikkje avslutta corneren, men stoppar første kontringsforsøket til VV. Ballen kjem likevel raskt tilbake og Brennvik blir spelt igjennom. Åleine med keeper gjer han ingen feil og sette ballen kaldt til side for keeper.
