- Herd – Norborg 7-1 (6-1)
Moa KGB, 28.03.0911 sjansar 2
3 cornere 2
1-0 Vegard Holand (17) 2-0 Eirik Andresen (25) 3-0 ? (26) 4-0 ? (27) 5-0 ? (32) 6-0 ? (34) 6-1 Skjalg Volstad (43) 7-1 ? (76)
Mål Herd: Vegard Holand 2, Eirik Andresen 2, Lasse Olsen, Dan Peter Ulvestad og Andreas Ulvestad.
Dommar: Bjarte Steinsbu (Brattvåg)
Ass. dommarar: Oddmund Kaldhussæter (Blindheim) og Arild Vegsund (Norborg)
Laget: Espen Wold (Geir Roar Gamlem, 46) – Elling Mikal Kalvø (Kristian Søviknes, 46), Roger Grytten, Kjell-Terje Brusdal, Kristian Furnes (Jan Even Drønnesund, 79) – Ole Johan Urke (Johan Stavik, 46), Stein Erik Reitan, Adrian Håbet (Geir Ove Grønli, 74), Kristoffer Søviknes (Steffen Grytten, 39), Skjalg Volstad (Bee, 69) – Tarjei Urkedal (André Larsen, 79).
Norborg hadde lite å stille opp med mot 3. divisjon sin favoritt Herd. Heimelaget hadde ballen særs mykje og punkterte kampen med stor effektivitet i ein tjue minutts periode før pause.
For nøyaktig sju månadar sidan vann Norborg 7-3. Sidan den gong har Herd skifta ut nær halve laget med spelarar frå høgare divisjonar. No var det oransjetrøyene sin tur til å få svi og plukke sju ballar ut av nota.
Defensiv kontroll i eit kvarter
Opningskvarteret til Norborg var ikkje så gale. Ein hadde god kontroll defensivt, men enkelte spelarar hadde for stor respekt og høge skuldrar til at ein greidde å få til noko konstruktivt spel. Herd hadde ballen mykje frå første minutt, men skapte ingenting før dei fekk corner i det 16. minuttet. Trass fleire forsøk greier ikkje Norborg å få klarert, og Vegard Holand sette til slutt ballen i mål med eit presist skot frå 15 meter.
Mareritt
Dei neste tjue minutta skulle bli eit mareritt for Norborg. Herd skapte sju sjansar og scora på fem! Herd viste i denne perioden særs høgt tempo i spelet sitt, men det skal óg seiast at Norborg var uvanleg passiv og stod for det meste å kika i bakken. I sluttminutta av omgangen får Norborg frispark om lag 35 meter frå mål. For langt hald til å skyte meinar dei fleste, men ikkje Skjalg Volstad. Han klinka til og med litt ein litt uheldig keeper så gjekk ballen i mål. Norborg har dermed scora i 53 kampar på rad. Sist gong ein ikkje greidde å sprenge nullen var mot nettopp Herd. Datoen var 31. mai 2007.
Betre etter pause
Norborg måtte nullstille seg i pausa. Mange hang med hovudet, men innsatsen i 2. omgang var god. Steffen Grytten kom inn mot slutten av 1. omgang og ein starta då å vinne langt fleire duellar på midtbana. Kjell-Terje Brusdal er ein annan som ikkje bryr seg om motspelaren er kjent frå TV, og trår til i duellane. Kjell-Terje var totalt sett Norborg sin beste spelar.
Herd hadde ballen mykje også etter kvila, men vi noterte berre tre skikkelege målsjansar i denne omgangen mot Norborg sin eine. Like før slutt burde Geir Ove Grønli ha fått meir ut av ein corner då han får stå fritt å heade frå 7-8 meter. Ballen gjekk diverre nokre meter til side for mål.
Positivt: 2. omgang då ein kom tettare oppi motspelar og greidde å true motstandars mål oftare enn i første.
Negativt: Brukar for lang tid på å få kontroll på ball. Blir stressa med ball. Duellvilje før pause.
På notisblokka:
17 min: 1-0. Vegard Holand (?) scorar etter at Norborg ikkje får klarert ein corner.
18 min: Stor Herd-sjanse. Avslutning utafor.
24 min: Lasse Olsen headar utanfor frå god posisjon.
25 min: 2-0. Eirik Andresen (?) lobbar over keeper.
26 min: 3-0. Norborg misser ballen på 30 meter. Herd får dobbeltsjanse og scorar på retur.
27 min: 4-0. Skot frå 20 meter.
32 min: 5-0. Olsen fører fram på høgre. Norborg henger ikkje med og Herd scorar frå kloss hald.
34 min: 6-0. Presist skot frå 16 meter.
43 min: 6-1. Skjalg Volstad setter frispark frå 35 meter i mål via keeper.
48 min: Gedigen Herd-sjanse. Brusdal klarer i eigen stolpe. Ball til Herd-spelar som sette den utafor.
56 min: Geir Roar Gamlem strekker seg og fister eit skot til corner.
76 min: 7-1. Avslutning i tverrliggjar. Herd får retur og sette ballen mellom beina på keeper og i nota.
89 min: Geir Ove Grønli headar corner utafor.
