Norborg – Godøy 4-1 (3-0)
Uggedal stadion, 06.06.13
Sjansar: 11-7
Cornere: 3-4
1-0 Ole Johan Urke (5)
2-0 Tarjei Urkedal (6)
3-0 Tarjei Urkedal (30)
4-0 Cato Longva (75)
4-1 Sven Harald Nyvoll (76)
Norborg gjekk knallhardt ut og gjorde Godøy om til statistar i opningsminutta på Uggedal stadion. Med 2-0 før 6 minutt var spelt fekk ein kampen inn i sitt spor. Godøy hadde ballen mykje, men det var Norborg som var giftigast framfor kassa og gjekk til pause med 3-0. I 2. omgang hadde begge lag mange sjansar, men scora berre eitt kvar. Dermed 4-1, og fortente poeng til Norborg.
Norborg frykta Godøy før kampstart og var klare på at her kunne ein ikkje vente ein omgang før ein kom ut av startblokka, slik tilfellet har vore dei siste kampane. Som sagt så gjort. Norborg angreip med innsats og entusiasme dei første minutta og la press på gjestane. To hjørnespark gav to sjansar til Ole Johan Urke. Den første vart avverja til ny corner. Den andre får ikkje Godøy klarert og Urke klinka ballen i mål.
Jubelen hadde knapt lagt seg før Norborg doblar leiinga då Cato Longva spelar ein fin stikkar i bakrom til Tarjei Urkedal. Den tidlegare goalgetteren gjorde ingen feil og sette ballen sikkert i mål. 2-0, ein fantastisk start på kampen. Godøy fekk etter dette vere meir med og hadde ballen mykje utan å skape all verda framfor mål. I staden er det Norborg som gjer 3-0 på ein overgong. Nok ein gong er det Urke og Urkedal som er i hovudrollene. Urke dreiv fram på venstre og fann Urkedal framfor kassa som rundar keeper å sette ballen i tomt mål.
Ein særs godt gjennomført omgang av Norborg med stålkontroll defensivt og gode overgongar. Fullt fortent leiing til pause.
I 2. omgang opnar kampen seg meir opp og det vart større strekk i begge lag. Det gav ein underhaldande og sjanserik omgang. Trass store sjansar til begge lag måtte ein vente ein halvtime før kampens fjerde mål kom. Nok ein gong var det Norborg som fann nettmaskene då Kristian Søviknes slo eit lurt frispark til Tarjei Urkedal som fann Cato Longva framfor mål. Norborg sin toppscorar gjor ingen feil å scora frå fem meter.
Norborg sovna etter målet og Godøy gjekk rett i angrep å reduserte ved sin toppscorar Sven Harald Nyvoll. 4-1, men nærmare kom ikkje Godøy. Norborg sette innpå friske bein og kontrollerte inn til sin fjerde strake heimesiger.
Fleire gode på Norborg i kveld, men i hard konkurranse med Tarjei Urkedal gir vi Preben Lorgen bestemannsprisen. Han takka for tilliten frå start og gjorde grovarbeidet på midtbana med mange ballvinningar. “Mascherano” var verkeleg tilbake i kveld.
Trenar Oddmund Davik Otterlei var godt nøgd med laget sitt denne gong. – Starten pregar kampen. Vi får den inn i vårt spor med to kjappe og vi får dermed ligge kompakte medan dei må opp å jage. Godøy har mykje ball, så det er ikkje nokon typisk 4-1 kamp, men vi skaper flest sjansar og vinn fortent. No får vi riste av oss dei mange skadene å vere klar for Hareid i neste runde.
Laget: Joakim Kjærstad (Ronald Søvik Olsen, 86) – Kristian Søviknes (Kjell Terje Brusdal, 86), Elling Mikal Kalvø, Hans Edvard Nordang, Daniel Aakre – Ole Johan Urke, Christian Sæther (Frank Dalhaug, 74), Preben Lorgen (Even Vestavik, 86), Adrian Håbet (Alexander Eide, 22) (Eirik Tomren, 44) – Cato Longva, Tarjei Urkedal.
Dommar: Rolf Jarle Eldevik (Ellingsøy)
Assistentar: Øyvind Birkeland (Herd) og Svein Ole Sørensen (VRF)
Trenar Oddmund Davik Otterlei var nøgde med sine tre målscorarar Cato Longva, Tarjei Urkedal og Ole Johan Urke.
Med sine to mål i kveld så har Tarjei Urkedal scora 198 mål for Norborg sitt A-lag. Han er dermed 15 bak Kim Idar Krogsethagen.
Kamphendingar:
4 min: Corner som Urke er nær ved å score på. Blir avverja til ny corner.
5 min: 1-0. Urke klinkar ballen i mål etter at Godøy ikkje får klarert corner.
6 min: 2-0. Urkedal putter etter gjennomspel av Longva.
30 min: 3-0. Urkedal scorer etter forarbeid av Urke.
35 min: Longva åleine med keeper, men setter ballen utanfor.
41 min: Dagfinn Godø header utanfor.
47 min: Urkedal kjem seg fri og velger ei tidleg avslutning. Lobben/skotet går over keeper, men i nettveggen.
55 min: Godøy med sjanse, men utanfor.
58 min: Svein Arve Alnes med godt frispark frå 18 meter, men Kjærstad reddar godt.
59 min: Tomren med stor sjanse då han flikkar ballen forbi keeper, men ballen rullar centimetere utanfor stolpen.
66 min: Kjærstad med kjemperedning i 1 mot 1 situasjon.
69 min: Urkedal rykker forbi sin oppassar, men keeper reddar skotet frå kanten av 5 meteren.
70 min: Longva header corner utanfor frå 2 meter.
72 min: Heading utanfor av Godøy.
73 min: Kalvø med stor sjanse, men headinga går utanfor lengste stolpe.
74 min: Svein Arve Alnes skyt frispark frå 17 meter på innsida av stolpen før Norborg klarerer.
75 min: 4-0. Longva putter etter innlegg av Urkedal.
76 min: 4-1. Nyvoll gir Godøy eit trøystemål.
