Norborg måtte torsdag kveld sjå seg slått 1-2 av Valder på Uggedal stadion. Etter ein mållaus 1. omgang sendte Oskar Telvik Valder i føringa eit kvarter ut i 2. omgang. Valder var også nær å doble leiinga før Norborg vakna og sette inn eit trykk som til slutt gav utlikning ved NikolaI Jensen i det 77. minutt. Banens beste Per Kristian Grytten Søvik var nær å sende Norborg i føringa nokre minutt seinare, men avslutninga gjekk i stolpen. I staden er det Michael Akslen som gir Valder 1-2 i angrepet etter. Norborg gav det eit forsøk på slutten, men makta ikkje å få med seg poeng. Les meir..
Monthly Archives: mai 2024
Heimekamp mot Valder torsdag kl. 1830
Norborg tek torsdag kl.1830 imot Valder på Uggedal stadion. Tarjei Urkedal vart matchvinnar i tidenes første seriekamp mellom laga i 2001. Kan han gjere det igjen? Møt opp å sjå.
Poengdeling mot topplaget!
Med Kjetil Rekdal på sidelinja haldt Norborg Giske til 1-1 på Uggedal stadion måndag kveld. Giske starta kampen best, men kampen jamna seg ut då Giske sin keeper Robert Sundby vart vist det raude kortet i det 13. minutt. Preben Giske Olsen gav gjestane leiinga like før pause etter at vertane hadde hatt corner. Norborg utlikna på eit frispark av Lars Alvestad Mikalsen ti minutt ut i 2. omgang. Norborg var i denne perioden det førande laget, men det vart med det eine målet. I dei siste ti minutta fekk vi sjå kaosfotball der Giske nok var nærmast å ta alle poenga. Begge laga gjekk misnøgde av bana og då er vel poengdeling greit.
Les meir..
Heimekamp mot Giske måndag kl. 1830
Norborg tek imot Giske på Uggedal stadion måndag 13. mai kl. 1830. Giske har fått ein strålande start på sesongen og leiar 5. divisjon. Norborg må dermed verkeleg opp i ringane for at det skal blir siger etter eit par uheldige kampar.
Vél møtt!
Tapte for Blindheim
Blindheim var best innafor kvar 16 meter og vann 3-0 mot Norborg på Uggedal stadion torsdag kveld. Marius Strand Eikrem sendte gjestane i føringa allereie i det 4. speleminutt. Norborg hadde fleire sjansar til å utlikne, men i staden dobla Kristoffer Florvaag i det 30. minutt. 2. omgang vart rotete der gjestane skapte dei fleste klare sjansane fordi Norborg ofte sendte alle mann i angrep. I det uret passerte 90 minutt fastsette Bjørnar Johansen stillinga til 0-3 då han kom åleine med keeper og lobba elegant over keeper. Les meir..
Heimekamp mot Blindheim torsdag kl. 1830
Norborg tek imot Blindheim til årets første graskamp i Uggedalen ikveld kl. 1830. Vi håper du tek turen og viser din støtte.
Knepent bortetap mot Sykkylven
16-åringen Ask Nikolai Støylen var skilnaden på Sykkylven og Norborg i ein fysisk tøff og sjansefattig batalje på Sykkylven stadion torsdag kveld. 18 minutt ut i kampen utnytta han at ein Norborg-forsvarar bomma på ballen og vipps var han fri i bakrom og sette ballen i nota. Sykkylven var best før pause og leia fortent. Etter kvila heva Norborg seg, men skapte lite framfor heimelaget sitt mål og måtte reise heim utan poeng. Les meir..
