Monthly Archives: april 2019

Stilling tabellkonkurransen 1. runde

Posted on by

Vi har registrert 45 godkjente forslag i vår tabellkonkurranse for 4. divisjon. Dei fleste (29 stk.) har tippa Bergsøy som vinnar av divisjonen. Rollon (5), Volda (4), Hødd2 (3), Blindheim (2), Norborg/BIL2 (1) og Emblem (1) er dei andre som har blitt tippa på 1. plass. I motsett ende av tabellen finn vi flest forslag med Hareid. 22 stk. har dei på botnen, medan Larsnes/Gursken (9), Blindheim (7), Emblem (4), Ørsta (2) og Norborg/BIL2 (1) er andre lag som har blitt tippa på sisteplass.

Vi vil etter kvar runde kome med dei ti best plasserte forslaga. Etter 1. serierunde er stillinga slik:

G19: Nyt livet på toppen av 1. divisjon

Posted on by


Brattvåg/Norborg/Harøy vann 3-2 over FK Sykkylven/SIL på Brattvåg Stadion måndag kveld og går inn i mai på toppen av 1. divisjon. Per Kristian Grytten Søvik ga BNH leiinga allereie i det 3. minutt, men gjestane kom sterkt tilbake og snudde til 1-2 før pause. Per Kristian Helle Hildre utlikna tidleg i 2. omgang då han snappa opp ei pasning frå keeper å trilla ballen i opent mål. Magnus Otterlei sikra sigeren like etter sin debut på juniorlaget då han banka inn Hildre sitt innlegg. Samarbeidslaget har dermed vunne begge sine kampar og får kose seg på toppen av tabellen.

Laget: Sander Arntsen – Anders Finnøy, Tobias Jensen, Alexander Otterlei, Nikolai Ellingsæter, Per Kristian Grytten Søvik, Siver Davik, Eirik Vågnes, Johan Lie, Per Kristian Helle Hildre, Daniel Forsland. Innbyttarar: Robin Bergtun, Eirik Valaker Røren, Adrian Bjørlykke, Thomas Haugen, Johan Rosvik, Magnus Otterlei og Martin Koch.

G9 tok sigeren mot Herd i serieopninga.

Posted on by

Oppe frå venstre: Benjamin, Sanjai, Nickolas, Felix. Nede frå venstre: Fredrik, Thomas, Filip, Alexander og keeper Lukasz

Søndag tok gutane på G9 turen til Herd stadion for å spele sin aller første seriekamp. Det vart ein jamn kamp, men Norborg-gutane var best og tok ein 7-6 siger med heim. Trenar Tarjei Urkedal var godt nøgd med både innsats og spel.

Vekeslutt

Posted on by

Tor Grande og Endre Kalvø fekk før A-lagskampen på torsdag utdelt plakett for “Årets innsatspris 2018”. Begge har gjennom mange år stått for vedlikehaldet av banene i Uggedalen. Ingmar Seth fekk samstundes plakett for “Årets supportar 2018”. Vi gratulerer alle tre.

Dei aldersbestemte sidene på heimesida er no oppdatert med lagbilete og kontaktinfo.

Norborg J13 starta sesongen med å vinne 20-0 over Harøy på tysdag der Luna Volstad stod for heile 7 av måla. Søndag følgte dei opp med 2-0 siger borte mot Herd. Dermed full pott og tabelltopp!

Eirik Valaker Røren (17) har meldt overgong frå Brattvåg til Norborg. Vi ønsker han velkomen heim.

Trimgruppa har no registrert alle dei 22 fjellpostane i Georeg. Last ned appen på telefonen din og registrer deg på heimesida til Georeg. Når du er på fjellposten så går du inn på appen og registrerer turen din. Når du har kome heim i godstolen med laptopen på fanget kan du logge deg inn på georeg.no å sjå poenga dine for turen. Norborg.com testa systemet i helga og er godt nøgd med at trimgruppa har fått på plass dette systemet.

Kick off for aldersbestemte spelarar

Posted on by

Før A-kampen på torsdag hadde Norborg fotballtrening for ca. 70 barn. Treninga vart leia av juniorane Eirik Valaker Røren, Richard Anderson, Anders Finnøy og Thomas Haugen. Ungane hadde det kjekt både under og etter trening og der dei fekk servert frukt og pølse med brød, samt utlevert Norborg drikkeflaske.

 

4. divisjon fredag

Posted on by

Bergsøy – Hareid 3-3
Valder – Hødd2 4-2
Emblem – Volda 1-2
Rollon – Ørsta 3-1

Hareid stod for kveldens overrasking då dei greidde poeng borte mot opprykksfavoritt Bergsøy. Faktisk leia Hareid både 0-2 og 2-3. Valder leika seg lenge med Hødd2 og leia på eit tidspunkt 4-0 før laget frå Ulsteinvik fekk pynte på resultatet. Dei to fremste opprykksutfordrarane til Bergsøy, Volda og Rollon, starta begge med siger. Desse to laga møtast i komande runde, medan Bergsøy skal ut i ein særs vanskeleg bortekamp mot Larsnes/Gursken. SIF/Hessa-Blindheim spelar først i morgon.

Herleg overtidssiger i serieopninga

Posted on by

Norborg/Brattvåg2 – Larsnes/Gursken 2-1 (0-1)
4. divisjon, Uggedal KGB 25.04.2019

Sjansar: 5-4
Hjørnespark: 4-4

0-1 Sondre Bringsvor (35)
1-1 Magnus Austbø Seth (49)
2-1 Magnus Austbø Seth (90+2)

Heimelaget trakk til slutt det lengste strået i ein tett og lenge sjansefattig kamp i Uggedalen. Gjestane leia til pause då Sondre Bringsvor scora på omgangens einaste sjanse. Norborg starta og avslutta 2. omgang best og snudde kampen etter to mål av Magnus Austbø Seth. Larsnes/Gursken hadde eit par store sjansar mellom Norborg sine mål, men alt i alt så var det greit at Norborg til slutt stod igjen som vinnarar. Ikkje minst sidan ein vart snytt for eit soleklart straffespark sju minutt før slutt.

-Episk slutt på kampen. Vi er skikkeleg misfornøgd med det vi gjer i 1. omgang. Responsen frå spelargruppa i 2.omgang er fantastisk. Vi liknar meir på oss sjølve og gjennomfører ein god omgang. Når vi då avgjer kampen med ein innøvd variant to minutt på overtid så blir ikkje det betre, sa trenar Kristian Søviknes.
Les meir..