Under strålande tilhøve på den nyopprusta Fjørtoft stadion tok dei oransje med seg alle poenga tilbake til fastlandet. Det var lenge stillingskrig, men så scora Norborg/Brattvåg2 to mål på kort tid ved Kristoffer Søviknes og Magnus Austbø Seth. Fjørtoft la trykk på gjestane gjennom heile 2. omgang, men den oransje forsvarsmuren hadde god kontroll og let aldri heimelaget skape skikkeleg spenning.
Les meir..
Monthly Archives: mai 2018
5. divisjon: 5. serierunde
Blindheim og Volda2 tjuvstarta femte serierunde i 5. divisjon. Som venta vann Blindheim komfortabelt 4-0 og kan feire 17. mai på tabelltopp. Dei fem øvrege kampane spelast onsdag 16. mai. Vi har sett litt på kampane.
Les meir
Lokaloppgjer mot Fjørtoft onsdag kl. 1915
Onsdag 16. mai er det klart for den første seriekampen mellom Norborg og Fjørtoft på nær 20 år. Mykje har skjedd på desse åra. Norborg gått frå botn 6. divisjon og spelt mange år i 3. og 4. divisjon. Fjørtoft har stort sett vore utan A-lag, men har dei siste 18 månadane gjort eit fantastisk stykke arbeid og kome seg ut av koma. Den jublande spelaren til høgre på biletet over har mykje av æra for det. På onsdag håper og trur vi det er dei tre andre som fortsatt smiler.
Les meir
Tippekonkurranse!
Onsdag 16. mai kl. 1915 er det klart for det første seriemøtet mellom Fjørtoft og Norborg sidan 19. september 1998. Den gong enda det med 10-0 til Fjørtoft. Vi trur ikkje på reprise, men kva trur du? Bli med på vår konkurranse og tipp utfallet av dei fire spørsmåla under. Det blir trekt ut premie til ein av dei som har svart flest riktig. NB! Maks eitt forslag per person.
Tippekonkurransen er avsluttet. 41 stk. har levert inn forslag. Ingen fekk 4 rette, men heile 12 stk. fekk 3 rette. Vi vil trekke ein vinnar blant desse tolv i løpet av 17. mai.
Nyoppussa heimeside!
Då kan vi endeleg presentere ei nyoppussa heimeside. Dette er fjerde versjon av norborg.com sidan starten i 2001. Det meste av nyttig info er overført frå den gamle sida. Noko som var litt av ein jobb sidan ein måtte bruke klipp og lim metoden på ca. 900 artiklar. Alle undersidene er derfor ikkje like “vakre” sidan dei vart laga på dei gamle sidene. Det har også blitt lagt inn fleire hundre bilete.
Kva er nytt? Ved sida ny plattform og sjølve designet så har det i høgremargen blant anna kome inn Twitter. Det at Norborg sin twitterkonto er integrert i nettsida gjer at du slepp å gå inn på vår twitterkonto for å følge med på oppdateringane av f.eks. A-laget sine kampar. Vi har også integrert Instagramkontoen til fotballgruppa. Her vil det siste biletet som er lagt ut der bli synleg. Nederst på høgresida finn du eit søkefelt. Du kan jo søke på ditt eige navn å sjå om du er med i ein artikkel eller to.. I venstremenyen så har det kome inn eit val som heiter “Galleri”. Her vil du finne mange bilete frå dei siste 17 åra, samt nokre eldre bilete.
Med denne nye sida håper vi også at fleire kan bidra med å legge inn stoff for å gjere norborg.com meir levande.
Yrande liv i Uggedalen
Laurdag 5. mai haldt Norborg turnering for dei minste aldersklassene (6-9 år) i fotballen med talentfulle spelarar frå Blindheim, Brattvåg, HaNo, Harøy, Ravn, Skodje, Stordal og Norborg. Totalt stilte desse 8 klubbane med 68 lag. Det var dermed eit yrande liv i Uggedalen denne maidagen.
Les meir
Fotballskule 2018!
Det blir fotballskule på Uggedal Stadion i veke 26 (25. – 29. juni) for jenter og gutar i alderen 7 til 14 år. Leiar for fotballskulen blir Jonas Storlykken, samt instruktørar frå juniorlaget. Påmeldingsfrist er 5. juni. Plassen er sikra når betaling er registrert, betalingsfrist er 10. juni 2018
Les meir..
Sendte topplaget heim med tap!
Norborg/Brattvåg2 leverte ein sterk defensiv kamp mot Blindheim etter at ein fekk kampen inn i sitt spor med eit tidleg leiarmål. Magnus Austbø Seth (2) og Per-Stian Alvestad scora måla.
Les meir..
Flotte plasseringar under Orkla Cup!
Forrige helg tok heile 22 av medlemane våre turen til Orkanger for å vere med på årets Orkla Cup. Dette er ei av Noregs største turneringer, og i år hadde dei ny rekord mht antall påmeldte, med totalt 228 påmeldte i frå 20 klubbar. Totalt blei det spelt 509 kamper og vi fekk mange fine plasseringer.
