søndag, november 19, 2017
   
Text Size
Feil

Uavgjort på Vestnes

Vestnes Varfjell - Norborg 3-3 (2-1)
Vestnes Idrettspark, 08.03.2017

0-1 Nikolas Fjørtoft (5)
1-1 ? (21)
2-1 ? (22)
2-2 Nikolas Fjørtoft (47)
2-3 Stian Grytten Skogvoll (57)
3-3 ? (75)

Som vanleg målrikt når Vestnes Varfjell og Norborg møtast. Norborg stilte med omtrent eit reint juniorlag frå start og hadde ein snittalder på 19,2 år. Med toppscorar Magnus Seth borte såg Nikolas Fjørtoft sjansen til å knappe inn på Seth sitt forsprang. Han scora Norborg sine to første mål, og er no oppe i totalt 10 mål i vinter. To bak Seth. Stian Skogvoll scora sitt første A-lagsmål for Norborg då han sette inn 2-3 leiing knappe kvarteret ut i 2. omgang. Heimelaget redda 3-3 kvarteret før slutt i ein omgang Norborg styrte.

Les mer: Uavgjort på Vestnes

 

Treningskamp mot Vestnes Varfjell onsdag kl. 19

Norborg tek onsdag turen til Vestnes for ny treningskamp. Det har blitt obligatorisk at desse to laga møtast til kamp i oppkjøringa til ein ny sesong. I mange år var Varfjell den store sigersherren, men no står Norborg med tre strake sigrar. I fjor vart det 3-2 i siste treningskamp før seriestart. Begge lag har hatt ei ganske lik utvikling sidan møtet for 11 månader sidan. Begge hadde ein tøff vår, men viste meir positive takter på hausten. Ikkje minst Norborg som kom seg heilt opp på ein 7. plass. Vestnes Varfjell kom på 10. plass i 4. divisjon Nordmøre/Romsdal. I vinter har dei hatt få problem med å slå Skodje og Godøy, medan det sist vart eit knepent tap for divisjonskollega Eidsvåg.

Medan sist treningskamp mot Tomrefjord var veldig tett og sjansefattig er det venta å bli ein meir open og underholdande kamp mot Varfjell. Varfjell er gode offensivt, men normalt ikkje så kyniske defensivt.

Norborg får tilbake Matias Vatneødegård og Jesper Vos frå sist kamp, medan Joakim Kjærstad og toppscorer Magnus Seth ikkje er med denne gong.  
   

Odds 4. divisjon Sunnmøre

Nordicbet er som vanleg tidleg ute med odds på 4. divisjon. I det som truleg er tidenes beste 4. divisjon avd. Sunnmøre så er Bergsøy favoritt med 1.55 i odds, med Volda (4.00) og Rollon (6.50) som nærmaste utfordrarar. Fjorårsvinnar Skarbøvik (10.50) er plassert på 4. plass. Norborg er plassert på 9. plass med 24 i odds. Likevel med same som Godøy og Emblem på 7. og 8. plass. Bak Norborg finn vi Hareid og Larsnes/Gursken med 45 i odds, og aller sist FK Sykkylven med 75. FKS hadde ein god fjorårssesong og kom på 5. plass, men Nordicbet spår altså ein særs tøff sesong for dei mørkeblå no når divisjonen er spissa endå meir enn før. Vinnaren av divisjonen vil vere Sunnmøre sitt 7. beste fotballag. Då Norborg vann divisjonen i 2008 var ein Sunnmøre sitt 16. beste lag.

Bergsøy 1.50
Volda 4.00
Rollon 6.50
Skarbøvik 10.50
Hødd2 14.50
Langevåg 19.50
Godøy 24.00
Emblem 24.00
Norborg 24.00
Hareid 45.00
Larsnes/Gursken 45.00
FK Sykkylven 75.00
   

Treningskampar

Med dagens kamp mellom Bergsøy og Larsnes/Gursken har alle laga i 4. divisjon spelt treningskampar i vinter. Bergsøy vann kampen 2-1 etter å ha leia 2-0 ved pause. Volda testa også forma i dag og spelte 3-3 mot Eid (4. divisjon SF) etter ein trøblete start på kampen.

Onsdag:
Skarbøvik - Emblem 3-3
Langevåg - Rollon 2-6
Bergsøy - Hødd2 1-1

Torsdag:
FK Sykkylven - Godøy 1-0

Fredag:
Hareid - ÅVK 1-0

Laurdag:
Volda - Eid 3-3
Bergsøy-Larsnes/Gursken 2-1

Treningskamptabell
   

Seriestart 2. påskedag - treningskamp flytta

G19 si terminliste er klar og Norborg/Ravn/Harøy startar heime mot Ørsta 2. påskedag før ein tek turen til Emblem måndag 24. april. Siste kamp er heime mot FK Sykkylven måndag 23. oktober. Den tidlege seriestarten førte til at Norborg sitt A-lag måtte flytte sin treningskamp mot Midsund fram til onsdag 12. april.

Terminliste G19
   

Fekk sin revansje over Tomrefjord

Norborg - Tomrefjord 2-1 (0-1)
Treningskamp Uggedal KGB, 01.03.2017

Sjansar: 3-5
Cornere: 7-2

0-1 Erlend Søberg (32)
1-1 Magnus Austbø Seth (54)
2-1 Magnus Austbø Seth (str. 76)

Norborg har bøtta inn mål i det siste, men sleit med å skape sjansar mot eit godt organisert og arbeidsamt lag frå Tomrefjord. Gjestane hadde kontroll på kampen før pause og leia fortent. I 2. omgang heva Norborg seg og fekk kontroll defensivt. Ein sleit fortsatt med å skape sjansar, men skapte nok til å snu kampen til siger. Ein fekk dermed revansjert fjorårets 2-9 tap.

- God øvingsøkt for oss. Vi slit litt med avstandar i første som vi får justert betre i andre omgang. Godt nøgd med at oss vinn og gjenskape mykje av det vi øver på mot eit godt organisert Tomrefjord-lag med gode kvaliteter, sa trenar Kristian Søviknes.

Les mer: Fekk sin revansje over Tomrefjord

   

Nettsida oppe og går igjen

norborg.com vart angrepet av hackere og enkelte filer vart infisert slik at Google valgte å "stenge" sida. No er nettsida "reingjort", men for å unngå å gjere sida lett å hacke så er visse områder "låst". Bilete på sida vil ikkje visast og det vil heller ikkje bli lagt ut nye bilete med det første.
   

Treningskamp mot Tomrefjord onsdag kl. 19

Norborg vil gjere eit forsøk på å ta revansje over Tomrefjord etter at ein tapte heile 2-9 for eitt år sidan. Romsdalingane angreip då med stort tempo og fekk det lett mot eit Norborg-lag i total oppløysing. Mykje har skjedd sidan då. Berre fire av dei som starta for eitt år sidan er aktuell for ei startoppstilling onsdag kveld. Faktisk har det skjedd så mykje at Kristian Søviknes er inne i si andre periode som trenar for laget etter at han tok over etter fjorårets oppgjer mellom laga. Tarjei Urkedal har vel også rukke å lagt opp og gjort comeback nokre gongar. Men viktigst av alt. Unge spelarar har utvikla seg positivt og unge spelarar har kome til klubben og styrka laget. Så sjølv om dette er fjerde kampen på under to veke, så skal Norborg gi Tomrefjord langt betre motstand enn i fjor.

Tomrefjord kom til slutt på 5. plass i 4. divisjon Nordmøre/Romsdal. Laget var divisjonens gjerrigaste med berre 20 mål i mot på 22 kampar.  Ken Robin Hildre vart toppscorar med 19 mål. Han scora for øvreg 3 mål i fjorårets oppgjer. Laget spelte 1-1 mot Blindheim i sist kamp.

Dommar: Geir Ove Grønli
Assistentar: Marcus Grytten og Arve Toven
   

Skogvoll og Vatneødegård signerte for Norborg

Nyvalgt sportsleg leiar Kristoffer Søviknes fekk i dag underskrifta til Stian Grytten Skogvoll (19) og Matias Mork Vatneødegård (18). Begge har trent og spelt kampar med Norborg i vinter medan dei venta på kva som skjedde med moderklubb Ravn sitt A-lag.

Stian spelte for Norborg også i 2015 og fekk då 11 A-kampar. Han er frå Hellestranda, men har mor frå Grytastranda. Han er ein rask spelar som først og fremst er å finne på høgreback. Vi ønsker han velkomen tilbake til Norborg.

Matias er frå Vatne og er ein kreativ midtbanespelar med ein særs god venstrefot. Han har i løpet av vinteren utvikla sitt fysiske spel og har vore blant dei beste spelarane på Norborg i dei tre kampane vi har sett. Vi ønsker han velkomen til Norborg.    


Sportsleg leiar Kristoffer Søviknes er særs nøgd med at Stian Grytten Skogvoll og Matias Mork Vatneødegård signerer for Norborg.
   

Ny storsiger i Spania

Norborg - Årvoll 7-1 (5-0)
Treningskamp, Albir, 23.02.2017

1-0 Jesper Vos (6)
2-0 Ole Johan Urke (10)
3-0 Magnus Austbø Seth (15)
4-0 Ole Johan Urke (31)
5-0 Ole Johan Urke (44)
6-0 Tor Abelseth (54)
6-1 ? (66)
7-1 Nikolas Fjørtoft (str. 68)

Norborg håpte på tøff motstand då fjorårets 4. divisjonsvinnar i Oslo stod på motsett halvdel, men Årvoll vart sendt heim som slakt og Norborg scora 7 mål i sin tredje kamp på rad. Ole Johan Urke vart dagens mann då han scora tre mål på den omgangen han spelte. Alle på vakre skot frå distanse.

- Ei god økt og gjennomføring av oss, sa trenar Kristian Søviknes. Det er vanskeleg å vete kva Årvoll stilte med når vi ikkje kjenner til normalen, men dei stilte med dei spelarane dei har med seg til Spania. Det var ganske ungt, men uansett eldre enn vårt lag. 

Jonas Holmeset og Anders Urkedal debuterte på A-laget. Gledeleg også å sjå Tor Abelseth tilbake på bana etter ein langvarig skade.

Les mer: Ny storsiger i Spania

   

Bergsøy slo Volda

To av dei venta topplaga i 4. divisjon målte i kveld krefter på Volda stadion. Etter 0-0 ved pause vann Bergsøy 2-0 over heimelaget.

Treningskamptabell
   

JPAGE_CURRENT_OF_TOTAL

Kalender

Sponsorer

 

 

 

 

trendbygg

 

more_hus

norsk-gjenvinning1

hrsolutions

logo security ny jpg

helpmann