fredag, april 28, 2017
   
Text Size
Feil

Bortekamp mot FK Sykkylven fredag kl. 1830

Norborg sitt herrelag startar langhelga med tur til Ikornnes for å møte FK Sykkylven. "Fake News" er i vinden for tida og det gjeld ikkje minst enkelte nettsider sine omtaler av FK Sykkylven før sesongstart. Det vart hevda at FKS hadde mista det som var av gode spelarar, men samanliknar vi lagoppstillinga deira i årets serieopning opp mot det dei stilte mot Norborg i fjor haust, så ser vi at dette ikkje stemmer. FK Sykkylven stilte langt sterkare no og fekk også med seg eit sterkt bortepoeng mot Rollon. FK Sykkylven var det einaste laget i fjor som vann begge sine kampar over Norborg. I snøvkava på Ikornnes for omtrent eit år sidan fekk ein juling 4-0, medan det vart 2-3 tap i Uggedalen. Bengt Hole Alnes scora 3 av dei mørkeblå sine 7 mål mot Norborg i fjor og er ein mann å passe på.

Norborg stille omtrent som i 2-2 kampen mot Emblem sist. Christian Sæther, Denis Sjåstad og Jonas Holmeset er likevel inne i troppen, medan Tarjei Urkedal ikkje er funne god nok etter å ha tilbrakt eit par veke i Spania. FKS blir knappe favorittar, men på ein god dag så er det absolutt sjansar for Norborg å ta heim sigeren.

Dommar: Roholla Ahmadzai (Langevåg)
Assistentar: Bjarte Steinsbu (Brattvåg) og Marin Solheim (Spjelkavik)

Andre kampar:
Larsnes/Gursken - Rollon (b)
Emblem - Hareid (h)
Skarbøvik - Bergsøy (b) Laurdag
Langevåg - Volda (b) Laurdag
Hødd2 - Godøy (h) Måndag
 

Juniorane med ny siger

Emblem - Norborg/Ravn/Harøy 0-4 (0-1)
G19, 1. divisjon, 24.04.2017

0-1 Illya Pekarskiy (45)
0-2 Illya Pekarskiy (61)
0-3 Magnus Austbø Seth (str. 75)
0-4 Magnus Austbø Seth (81)

Oransjetrøyene tok ein ny komfortabel siger og står no med 10-0 i målskilnad på dei 2 første kampane.

   

4. divisjon: Tett opningsrunde

Bergsøy - Hødd2 2-3 (1-1)
Hareid - Langevåg 2-1 (1-0)
Norborg - Emblem 2-2 (1-1)
Rollon - FK Sykkylven 1-1 (1-1)
Volda - Skarbøvik 1-0 (0-0)
Godøy - Larsnes/Gursken 1-2 (1-0)

Det vart ei temmeleg jamnspelt og ganske målfattig opningsrunde i 4. divisjon. 18 mål på 6 kampar gir 3 mål i snitt. I fjor så var snittet 4 mål i denne divisjonen. Ingen av dei fem beste laga i fjorårets 4. divisjon greidde å vinne i opningsrunda. Dei tre beste, Skarbøvik, Langevåg og Godøy måtte alle sjå seg slått med eitt mål. Halvparten av laga som kom ned frå 3. divisjon vann sine kampar. Volda fekk det kanskje uventa tøft mot SIF og vann med knappast mogeleg margin, medan Hødd2 tok ein heldig siger over nedrykkskollega Bergsøy. Bergsøy sin rutinerte Frank Sverre Skorpen stod for ein heit kandidat til årets mål. Målet kan du sjå på Bergsøy si heimeside (ca. 2 min og 20 sekund ut i videoen). 1977-modellane har jo for vane å bli toppscorarar i denne divisjonen. Vil Skorpen ta over etter stafettpinnen no som Svein-Arve Alnes har gått til Giske og Nils Ottar Sandø angivelig har lagt opp? Rollon skuffa nok seg sjølve stort med berre uavgjort mot FK Sykkylven, som er Norborg sin komande motstandar.

Runde 2 er spreidt over tre kampdagar og er som følgjande:

Larsnes/Gursken - Rollon (fredag kl. 1830)
Emblem - Hareid (fredag kl. 1830)
FK Sykkylven - Norborg (fredag kl. 1830)
Skarbøvik - Bergsøy (laurdag kl. 13)
Langevåg - Volda (laurdag kl. 1630)
Hødd2 - Godøy (måndag kl. 1830)
   

Debutanten sikra poengdeling

Norborg - Emblem 2-2 (1-1)
4. divisjon, Uggedal KGB, 21.04.2017

Sjansar: 5-8
Hjørnespark: 2-6

0-1 Elias Dahlberg (str. 14)
1-1 Ole Johan Øster Urke (29)
1-2 Thomas Seth Gjøsund (55)
2-2 Ruben Grytten Holmeset (71)

Norborg låg under to gongar, men nekta å gi seg mot det duellsterke laget frå Emblem og redda eitt poeng då debutant Ruben Grytten Holmeset sende ballen i fin boge over keeper og i nota. Kampen vart prega av ein sur vind, mykje kjemping og lite konstruktivt spel. Emblem skapte dei fleste sjansane og kan vel seie seg minst nøgd med det eine poenget.

- Vi bør vel seie oss nøgde med eitt poeng utifrå korleis kampen utvikla seg. Vi kjem tilbake to gongar frå å ligge under og det er sterkt av ei ung og ny spelargruppe i første seriekamp. Føler vi i litt for stor grad blir med på Emblem sin duellfotball, men viser samstundes at når vi tør å bruke ballen så er vi eit spennande lag. Vi gleder oss allereie til neste kamp, sa trenar Kristian Søviknes etter kampen.

Les mer: Debutanten sikra poengdeling

   

4. divisjon: Larsnes/Gursken inntok tabelltoppen

Godøy - Larsnes/Gursken 1-2 (1-0)

Godøy leia ved pause etter mål av rutinerte Henning Dyb, men Gulars snudde kampen i 2. omgang etter mål av Tor-Jørgen Kleppe og Robert Vik. Dermed tre viktige bortepoeng til laget frå Sande.

I 5. divisjon vart det favorittsigrar til Ørsta, Valder og Stranda. Gledeleg var det å sjå at Daniel Akre var tilbake på bana for Ørsta etter langvarig skade. Den tidlegare publikumsfavoritten i Uggedalen scora Ørsta sitt første mål i 3-1 sigeren over ÅVK.

Stranda - Giske 3-1
Volda2 - Valder 2-3
Skodje - Blindheim 1-5
Herd2 - Hovdebygda 5-2
   

Tabelltips 4. divisjon

Det er ein time til 4. divisjon startar og vi slenge ut eit tabelltips.

1. Bergsøy
2. Volda
3. Rollon
4. Hødd2
5. Emblem
6. Skarbøvik
7. Langevåg
8. Hareid
9. Godøy
10. Larsnes/Gursken
11. FK Sykkylven
12. Norborg

Vi er sjølvsagt høfleg nok til å la alle dei andre laga kome framfor Norborg på tabelltipset. Fullt så hyggeleg vil det nok ikkje bli på bana, sjølv om Norborg har vore frykteleg gåvmilde i eiget forsvar i vinter.. Heldigvis har ein tatt meir enn ein har gitt.
   

Serieopning fredag kl. 1830

Norborg sitt A-lag serieopnar heime mot Emblem fredag kl. 1830.

Dommar: Richard Olsen (Åmdal)
Assistentar: Mariell Naustdal (Skodje) / Kristian Standal (Rollon)

Opningsrunda i 4. divisjon:

Godøy - Larsnes/Gursken torsdag kl. 1845 (U)

Fredag:
Volda - Skarbøvik (H)
Bergsøy - Hødd2 (H)
Hareid - Langevåg (U)
Rollon - FK Sykkylven (H)

   

Spår Norborg i botnen

Både Langevåg si uoffisielle nettside og ein twitterkonto kalla Sunnmørsfotballen spår Norborg på 11. plass i årets 4. divisjon. Emblem sin nettstad trur det går litt betre og spår Norborg på 9. plass.
   

G19: God start på sesongen

Norborg/Ravn/Harøy - Ørsta 6-0 (1-0)
G19 1. divisjon, Uggedal KGB, 17.04.2017

1-0 Magnus Seth (22)
2-0 Magnus Seth (60)
3-0 Magnus Seth (63)
4-0 Ruben Holmeset (68)
5-0 Illya Pekarskiy (75)
6-0 Magnus Seth (77)

Heimelaget tok til slutt ein komfortabel siger heime mot Ørsta i seriestarten.

Norborg styrte 1. omgang, men sleit med utteljinga. Det vart med Magnus Seth si kontrollerte heading midtvegs i omgangen. Utanom dette vart det brent ein del klare sjanser i tillegg til at Nikolai Jensen og Stian Skogvoll traff stolpen kvar sin gong.

Andre omgang fortsette som den første med eit overtak til heimelaget, men i denne omgangen skulle ein finne nettmaskene langt oftare. Etter eit mållaust første kvarter putta ein heile fem mål den siste halvtimen. Magnus Seth plussa på med tre mål, Ruben Holmeset stod for kampens flottasste mål, medan Illya Pekarskiy scora sitt første juniormål. 

Neste utfordring for juniorane er borte mot Emblem om ei veke. Emblem opna med 3-2 tap for Bergsøy.

Laget: Szoma, Trond Espen Rogne, Anders Toven, Nikolai Jensen, Stian Skogvoll, Jonas Holmeset (Vidar Nilsen Rogne, 66), Sander Harnes (Anders Urkedal, 28) (Vatneødegård, 81), Marius Austnes (Ruben Holmeset, 66), Matias Vatneødegård (Lars Mikalsen, 70), Magnus Seth, Magnus Jenssen (Illya Pekarskiy, 61)

   

Siger i generalprøva

Midsund - Norborg 1-2 (1-1)
Treningskamp, Skeidvoll KGB, 12.04.2017

Sjansar: 7-4
Cornere: 3-1

0-1 Ole-Kristian Aarseth (6)
1-1 ? (34)
1-2 Ruben Holmeset (75)

Eit nykomponert Norborg hadde marginane på si side og vann generalprøva borte mot Midsund etter mål av grytastrandarane Ole-Kristian Aarseth og Ruben Holmeset, som scora sitt første mål for A-laget. Midsund var nær utlikning i sluttminutta, men kom ikkje nærmare enn eit par avslutningar i stolpen.

Les mer: Siger i generalprøva

   

Generalprøve mot Midsund onsdag kl. 1855

Norborg spelar sin siste treningskamp før serieopninga når ein tek turen til Midsund. Det blir store endrigar i troppen frå sigeren over Skarbøvik sist veke blir det. Marius Austnes, Nikolai Jensen, Nikolas Fjørtoft, Joakim Kjærstad, Anders Toven, Matias Vatneødegård, Stian Skogvoll og Tarjei Urkedal er ikkje med denne gong.

Nye i troppen er Ronald Olsen, Kjell Terje Brusdal, Denis Sjåstad, Ole-Kristian Aarseth, Christian Sæther og nysigneringa Mads Even Hatlehol.

Sistnemnde har signert overgongspapira frå Ravn. Han er 22 år og scora 10 mål på 18 kampar i sin siste sesong. Det siste året har han vore i militæret.

   

JPAGE_CURRENT_OF_TOTAL

Kalender

Sponsorer

 

 

 

 

trendbygg

 

more_hus

norsk-gjenvinning1

hrsolutions

logo security ny jpg

helpmann